Top 10 futbollistët e lirë më të vlefshëm në futbollin botëror

Top 10 e futbollistëve më të vlefshëm që janë pa kontrata apo të lirë këtë verë përfshijnë tre ish-yje të Manchester United dhe një legjendë të Real Madridit.

Afati kalimtar i transferimeve të verës është në rrjedhë të plotë me shumë marrëveshje të përfunduara tashmë në kampionatet elitare evropiane edhe pse është vetëm fillimi.

Miliona euro janë shpenzuar tashmë dhe ka më shumë shpenzime të parashikuara, veçanërisht pas përfundimit të Euro 2024 dhe Copa America.

Për klubet që kërkojnë të kursejnë disa para, ka shumë lojtarë të lirë emra të mëdhenj që mund të nënshkruhen për absolutisht pa asnjë tarifë transferimi këtë verë, disa prej të cilëve aktualisht janë duke luajtur në dy turnetë e verës.

Sipas faqes të specializuar Transfermarkt, lojtar i lirë më i vlefshëm aktualisht është francezi Adrien Rabiot, i cili vlerësohet në 35 milionë euro. Rabiot është larguar nga Juventusi pasi nuk arriti të binte dakord për një kontratë të re, por gjigantët e Serie A thuhet se janë ende të sigurt se mund ta rinovojnë atë.

Në vendin e dytë në listë është ish-mbrojtësi i Atletico Madridit, Mario Hermoso, i cili është një nga tre lojtarët që largohen nga klubi pas skadimit të kontratave të tyre.

Mesfushori mbrojtës Guido Rodriguez, dikur i Real Betis, dhe Raphael Varane vlerësohen të dy me 20 milionë euro dhe janë në kërkim të një klubi të ri.

Lojtari më i ri në listë është Leandro Barreiro, 24 vjeç, i cili u largua nga Mainz në fund të sezonit.

Ish-sulmuesi i Manchester Cityt, Kelechi Iheanacho është në kërkim të një klubi të ri pasi bëri mbi 200 paraqitje për Foxes dhe i ndihmoi ata të fitojnë promovimin në Ligën Premier.

Mesfushori legjendar Thiago Alcantara është gjithashtu i disponueshëm për të nënshkruar si lojtar i lirë pas largimit nga Liverpool.

Top 10 lojtarët e lirë më të vlefshëm në futbollin botëror (sipas Transfermarkt):

1 – Adrien Rabiot (35 milionë euro)

2 – Mario Hermoso (25 milionë euro)

3 – Guido Rodriguez (20 milionë euro)

4 – Raphael Varane (20 milionë euro)

5 – Leandro Barreiro (17 milionë euro)

6 – Alex Berenguer (12 milionë euro)

7 – Kelechi Iheanacho (12 milionë euro)

8 – Andre Gomes (10 milionë euro)

9 – Anthony Martial (10 milionë euro)

10 – Memphis Depay (10 milionë euro)

11 – Thiago Alcantara – (10 milionë euro)

12 – Ryan Sessegnon – (10 milionë euro)

13 – Yusuf Yazici – (10 milionë euro)

/Telegrafi/