Toni Kroos kërkon hakmarrje për humbjen që e kishte përjetuar nga Chelsea

Toni Kroos tashmë ka fituar katër trofe të Ligës së Kampionëve, pasi ka fituar tre me Real Madridin dhe një në vitin 2013 me Bayern Munchen.

Por mesfushori gjerman mund të kishte siguruar edhe një medalje të artë të Ligës së Kampionëve, nëse nuk do të ishte Chelsea.

Hera e parë që Kroos u paraqit në një finale të Ligës së Kampionëve ishte në vitin 2012, kur Bayern Munich ishte favorit i madh kundër skuadrës nga Liga Premier.

Bayern ishte kthyer në një forcë në Evropë pasi ishte në finale edhe kundër Interit në vitin 2010, ku edhe humbi.

Më 19 maj 2012, pritej një fitore e Bayern Munchen me Jupp Heynckes në krye, e cila do të ishte e parë pas 11 vitesh.

Pavarësisht se kishte eliminuar Barcelonën e madhe të Pep Guardiola, askush nuk besonte se ata mund të mposhteshin.

Shtatë minuta pa u mbyllur ndeshja Franck Ribery pasoi te Kroos, i cili gjeti Thomas Mullerin që shënoi në portën e Petr Cech për 1-0.

https://www.youtube.com/watch?v=bqUJlXypEC0

Gjithçka dukej e mbyllur pasi për Chelsean kishin mbetur vetëm edhe shtatë minuta.

Në minutën e 88-të, skuadra angleze fitoi një goditje këndi, ku harkoi Juan Mata , ndërsa në zonë u gjend Didier Drogba, i cili shënoi dhe dërgoi ndeshjen në kohën shtesë.

Në kohën shtesë Bayern kishte shumë raste, sidomos ai me Arjen Robben që humbi një penallti.

Fituesi doli nga gjuajtja e penalltive dhe Ligën e Kampionëve 2012, e fitoi Chelsea.

Kroos, ishte i ri asokohe në moshën 22 vjeç, por dy shokët e tij më të vjetër të skuadrës, Ivica Olic dhe Bastian Schëeinsteiger, humbën mundësinë për të fituar Ligën e Kampionëve.

Nëntë vjet më vonë, Kroos ka mundësinë të hakmerret për ish-shokët e tij të skuadrës.

“Kam vuajtur shumë me atë humbje. Isha në një mënyrë të keqe, por para se të fitosh duhet të përjetosh momentet e këqija”, kishte thënë Kroos. /Telegrafi/