Tmerrohet kryeministri islandez: Ja si reagon kur pyetet për paratë e fshehura (Video)

Kryeministri i Islandës, Sigmundur Davíð Gunnlaugsson, është pyetur në një intervistë për paratë e deponuara në Panama, aty ku nuk kërkohet origjina e tyre. Kjo intervistë u bë pas zbulimit të “The Panama Papers”, që deri ato momente nuk ishte publikuar.

Ai u pyet nga televizioni SVT, për kompaninë e quajtur “Wintris”, për të cilën ai thotë se është e deklaruar plotësisht në autoritetet tatimore të Islandës, transmeton Koha.net.

Gunnlaugsson e ndërpret intervistën pas një pasigurie të madhe dhe presioni duke lëvizur në dhomën ku bëhej ajo, duke thënë se nuk i përgatitur për ato pyetje.

“Çka po përpiqeni të bëni këtu? Kjo është plotësisht e papërshtatshme”, thotë ai, teksa zhvendoset në një dhomë tjetër.

Zbulimi që po konsiderohet më i madhi në gazetari ka gjetur 11.5 milionë dokumente, në të cilat përfshihen liderë botëror politikë dhe të jetës publike. Në dosje përfshihen edhe Vladimir Putin me dy miliardë dollarë, djali i Kofi Ananit, David Cameron me një kompani të babait të tij, ish-presidenti ukrainas Poroshenko e shumë të tjerë.