Thomas Tuchel kritikoi tre sulmues të Anglisë pasi “Tre Luanët” kaluan me vështirësi Andorrën në kualifikueset për Kupën e Botës.
Anglia mund të ketë marrë tre pikë të tjera në rrugëtimin e saj drejt Kupës së Botës 2026, por atmosfera në ‘Villa Park’ tregoi një histori tjetër.
Ndërsa ra fishkëllima e fundit në fitoren 2-0 ndaj Andorrës, mijëra vende bosh i bënë jehonë zhgënjimit të Thomas Tuchel.
E renditur në vendin e 174-të në botë, Andorra mezi arriti të kërcënojë Anglinë, megjithatë “Tre Luanët” nuk dukeshin kurrë si një skuadër që do ta kthente dominimin në një fitore të thellë.
Tuchel, i njohur për standardet e tij të larta dhe të përpikta, ishte larg të qenit i impresionuar nga ajo që pa.
Dhe në një vlerësim brutalisht të sinqertë pas ndeshjes, ai kritikoi tre nga lojtarët e tij ofanzivë, duke theksuar se shpërdorimi i rasteve nga ana e tyre e mbajti rezultatin “të pranueshëm” për Andorrën.
“Është e vështirë sepse është një atmosferë shumë ndryshe nga ajo e një ndeshjeje të Ligës Premier”.
“Mendoj se energjia ishte e duhura, cilësia ishte aty dhe duhet të kishim shënuar më shumë. Munguan ato momente të vogla për të përshpejtuar lojën”.
“Ndoshta Ebz (Eberechi Eze) nuk pati ditën e tij më të mirë si numri 10, pasimi i fundit nga Noni Madueke nuk ishte mjaftueshëm klinik dhe Marcus Rashford pati disa momente të mira por nuk arriti t’i konkretizojë”.
“Këto janë gjëra që mund të ndodhin kundër një skuadre që mbyllet. Goli i dytë duhej të vinte më herët sepse na dha më shumë liri”, ka thënë Tuchel./Telegrafi/
