Thierry Henry konfirmon saktësisht se kush është Ronaldo i ‘vërtetë’

Sulmuesi legjendar francez, Thierry Henry ka thënë se të gjithë mund të ndalojmë së thirruri sulmuesin e Manchester Unitedit, Cristiano Ronaldon me emrin ‘Ronaldo’.

Për vite me radhë ka mbretëruar konfuzioni në bisedat e futbollit pasi tifozëve u është dashur të shpjegojnë saktësisht se kë kanë menduar kur thonë emrin ‘Ronaldo’.

Sigurisht, ka pasur kohë kur konteksti ka diktuar saktësisht se për kë po flet dikush, si kur dikush fliste për Unitedin, ose se si një goditje dënimi fluturon mbi murin mbrojtës.

Megjithatë, ka pasur edhe shumë raste kur dikush është dashur të shpjegojë se nuk është duke folur për pesë herë fituesin e Topit të Artë dhe në vend të kësaj për sulmuesin e Brazilit, fitues të Kupës së Botës më 2002.

Lexo po ashtu Nuk është as Ronaldo e as Messi, për Nadalin - Ronaldo Nazario është futbollisti më i mirë i të gjitha kohërave

Por, kjo përfundon tani, me Henry që thotë se emri ‘Ronaldo’ i referohet vetëm Ronaldo Luis Nazario de Limas, ose ‘Ronaldo i vërtetë’ dhe ‘Cristiano’ i referohet sulmuesit të United.

I pyetur në emisionin televiziv ‘In the Mixer’ nëse ai kishte kërkuar ndonjëherë fanellën e një lojtari tjetër, Henry potencoi se vetëm brazilianit Ronaldo.

Thierry Henry reveals the REAL RONALDO “R9” was the one player he asked for his shirt.

[via @CBSSportsGolazo] pic.twitter.com/my8EatIZMt

— ً (@HerancaFutebol) February 23, 2022

“Ronaldo. R9. Ronaldo i vërtetë. Për mua, sa Ronaldo i njihje duke u rritur?”, ka thënë fillimisht Henry.

Lexo po ashtu ‘Më i miri në histori të futbollit?’ – Ibrahimovic: Ronaldo, fenomeni

“Ai i vërteti? Ta quajmë atë “Ronaldo i vërtetë” tani kur kemi Cristianon…”, u përgjigj Carragher.

“Ronaldo është R9. Cristiano është Cristiano Ronaldo”, u përgjigj francezi. /Telegrafi/