Pavel Durov, themeluesi i aplikacionit të mesazheve të koduara Telegram, ka thënë se do ta ndajë pasurinë e tij multi-miliardë dollarëshe midis më shumë se 100 fëmijëve të tij.
Në një intervistë të botuar të enjten nga revista franceze Le Point, sipërmarrësi rus i teknologjisë, i cili është aksionari i vetëm i Telegram, sugjeroi se donte që të gjithë të kishin "të njëjtat të drejta", shkruajnë mediat e huaja, përcjell Telegrafi.
Durov pretendoi se dhurimet e tij të spermës kishin çuar në lindjen e më shumë se 100 foshnjave në 12 vende.
Ai është gjithashtu babai zyrtar i gjashtë fëmijëve të lindur nga tri gra të ndryshme.
Manjati i tha revistës franceze se asnjë nga fëmijët e tij nuk do të jetë në gjendje të hyjë në trashëgiminë e tyre për 30 vjet të tjera.
"Dua që ata të jetojnë si njerëz normalë, të ndërtojnë veten, të mësojnë të besojnë në veten, të jenë në gjendje të krijojnë, të mos jenë të varur nga një llogari bankare", shpjegoi ai.
Kështu, manjati i tha revistës franceze se asnjë nga fëmijët e tij nuk do të jetë në gjendje të ketë akses në trashëgiminë e tyre për 30 vjet të tjera.
Miliarderi zbuloi se kohët e fundit kishte bërë testamentin e tij.
Kur u pyet pse e bëri këtë tani, Durov sugjeroi se "mbrojtja e lirive të sjell shumë armiq, përfshirë brenda shteteve të fuqishme".
Kujtojmë se 40-vjeçari, i cili jeton në Dubai, u arrestua vitin e kaluar nga autoritetet franceze, të cilat e akuzuan atë se nuk kishte bërë mjaftueshëm për të luftuar kriminalitetin në platformën e tij.
Durov e ka mohuar vazhdimisht këtë pretendim, duke i quajtur akuzat me të cilat përballet "krejtësisht absurde".
Telegram, të cilin Durov e themeloi në vitin 2013, ka më shumë se një miliard përdorues mujorë. /Telegrafi/
