LAJMI I FUNDIT:

Thaçi e Trump takohen sonte

Thaçi e Trump takohen sonte

Presidenti i Kosovës, Hashim Thaçi, pritet që sot të takojë Presidentin e SHBA-ve, Donald Trump.

Takimi mes Trump e Thaçit pritet të mbahet në ora 20:00 në orën lokale të SHBA-së.

Rreth agjendës së Presidentit Thaçi për takimin e tij me Presidentin e SHBA-ve, Donald Tump, kanë bërë të ditur burime të Klan Kosova brenda Presidencës ku bëhet e ditur se takimi i tyre mbahet sonte në orën tonë lokale në 02:00 të mesnatës.

Hashim Thaçi, në krye të delegacionit të Kosovës, i shoqëruar nga Zonja e Parë e shtetit, Lumnije Thaçi, nisur dje për në Nju Jork, për të marrë pjesë në seancën e radhës të Asamblesë së Përgjithshme të Kombeve të Bashkuara.

Sipas një njoftimi të Presidencës, me ftesë të Presidentit të Shteteve të Bashkuara të Amerikës, Donald Trump, dhe Zonjës së Parë, Melania Trump, në margjinat e Asamblesë, presidenti Thaçi dhe Zonja e Parë e Kosovës do të priten nga çifti presidencial Trump.

“Në delegacionin e Kosovës është edhe zëvendës kryeministri dhe ministri i Jashtëm, Behgjet Pacolli”, ishte bërë e ditur në njoftimin e Presidencës. /Telegrafi/