Mendimet e një mësueseje marokene shkuan menjëherë te nxënësit e saj pas tërmetit 6.8 ballësh që goditi një javë më parë Marokun.
Nesreen Abu ElFadel ishte në Marrakesh – por Adaseel, fshati malor që ishte shtëpia e shkollës dhe nxënësve të saj, ishte më afër epiqendrës.
Mësuesja e gjuhës arabe dhe frënge u kthye në Adaseel ku shkoi të kërkonte fëmijët.
Ajo zbuloi se të 32-të – nga 6 deri në 12 vjeç – kishin vdekur.
“Shkova në fshat dhe fillova të pyesja për fëmijët e mi: “Ku është Somaya? Ku është Youssef? Ku është kjo vajzë? Ku është ai djalë?”. Përgjigja erdhi disa orë më vonë, “ata kanë vdekur të gjithë”.
“Imagjinova momentin e leximit të 32 emrave të nxënësve për të verifikuar prezencën e tyre; ata tani kanë vdekur të gjithë”, tha ajo duke vajtuar për bbc.
Ata ishin në mesin e pothuajse 3,000 njerëzve të vrarë nga tërmeti më i fortë i regjistruar ndonjëherë në Marok, i cili goditi mbrëmjen e 8 shtatorit.
Zonat më të goditura ishin ato në jug të Marrakeshit, ku shumë fshatra malorë u shkatërruan plotësisht. Adaseel ishte një nga ato vende.
Mësuesja e gjuhës i përshkroi nxënësit e saj si “engjëj” dhe fëmijë të respektueshëm që ishin të etur për të mësuar. Pavarësisht se po luftonin me varfërinë dhe një krizë dërrmuese të kostos së jetesës, fëmijët dhe familjet e tyre menduan se shkollimi i tyre si “gjëja më e rëndësishme në botë”.
Pavarësisht zërit të saj të qetë, ElFadel po vuan nga traumat. Ajo ende nuk mund të përpunojë atë që ndodhi me nxënësit dhe shkollën e saj.
“Unë nuk fle, jam ende në shok. Njerëzit më konsiderojnë si njëri me fat, por nuk e di se si mund të vazhdoj të jetoj jetën time”, deklaroi ajo.
ElFadel u mësonte gjuhën arabe dhe frënge fëmijëve në një fshat të populluar nga Amazigh – të cilët kryesisht flasin gjuhën e tyre, Tamazight.
Ajo e ka në plan të vazhdojë karrierën si mësimdhënëse dhe shpreson që autoritetet do ta rindërtojnë shkollën e Adaseel – e cila u shemb gjatë tërmetit.
Gjithsej 530 institucione arsimore janë dëmtuar në shkallë të ndryshme, duke përfshirë disa prej të cilave janë shembur plotësisht ose kanë pësuar dëmtime të rënda strukturore.
Qeveria marokene ka ndërprerë përkohësisht mësimet në zonat më të goditura. /Telegrafi/
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
SHBA-ja përgjon aeroplanët rusë
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Shikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
Dhjetë aeroportet më të pastra në botë - vetëm një është në Evropë
Izraeli ndërton 'kube kibernetike' për t'u mbrojtur nga hakerët iranian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City