Tërmeti i fuqishëm në Stamboll, publikohen pamje që tregojnë panikun që shkaktoi dridhja

Menjëherë pas lajmit se një tërmet i fuqishëm prej 5,7 ballësh ka goditur Stambollin të enjten, janë publikuar edhe pamjet e para.

Siç kanë raportuar mediat e huaja, përcjell Telegrafi, ndonëse nuk është raportuar për të lënduar apo dëme materiale, tërmeti ka shkaktuar panik të çastit në qytet.

Burası Maslak. Herkes dışarda kimsede bisey yok çok şükür. İstanbul buyuk gecmis olsun. Rabbim beterinden korusun.#istanbul #deprem #maslak #istanbuldepremi pic.twitter.com/uPodijF5kH

— Ayşegül Coşkun (@AysegulMusic) September 26, 2019

Madje, siç është raportuar, shkollat dhe spitalet janë urdhëruar të evakuohen.

Ndryshe, Presidenca e Menaxhimit të Fatkeqësive dhe Emergjencave (AFAD) tha që tërmeti goditi në jug-perëndim të Stambollit në Detin Marmara në orën 2:00 pasdite.

Lexo po ashtu Një tërmet prej 5,7 ballësh godet Stambollin, urdhërohet evakuimi i shkollave dhe spitaleve

Turqia ka pësuar tërmete shkatërruese në të kaluarën, përfshirë një afër Stambollit në 1999 që vrau më shumë se 17,000 njerëz në rajonin më të madh.

Lexo po ashtu Shembja e një minareje, ikja me shpejtësi e njerëzve dhe lëkundja e një ndërtese të lartë – pamje të reja nga tërmeti i fuqishëm në Stamboll

Turqia është ndër vendet më sizmike aktive në botë, pasi ndodhet në disa linja aktive defektesh, ku një nga ato më potencialisht shkatërruese është Pika e Anatolisë Veriore (NAF), pika e takimit e pllakave tektonike të Anadollit dhe Euroazisë. /Telegrafi/