Tentimi qesharak i hajnit për ta vjedhur një makinë, pronari ofron shpërblim për atë që e identifikon

Shpërblim prej 1,000 eurove për atë që e identifikon hajnin, që bëri një tentim qesharak për ta vjedhur një makinë të shtrenjtë sportive

Ndër makinat më të pëlqyera të kohëve të fundit, është Chevrolet Corvette Stingray që ka motor me 6.2 litra V8 dhe prodhon 500 kuaj fuqi, derisa ka çmim fillestar prej rreth 55 mijë eurove, transmeton Telegrafi.

Mirëpo, një hajn nuk dëshiroi të shpenzohej dhe zgjodhi ta vishte këtë makinë, që ishte parkuar në një parking në Teksas të Shteteve të Bashkuara.

Në pamjet e shpërndara, shihet hajni që si nëpër filma aksion, del nga një makinë Buick dhe thyen xhamin e makinës dhe në një tentim qesharak për ta vjedhur, futet në të për ta aktivizuar.

Por, e tëra që u aktivizua ishte alarmi i makinës dhe e detyroi atë të kthehej në makinën e grupit kriminal, që largohet derisa ai ishte ende me trup përjashta. Kjo ka bërë që makina që ka teknologji të lartë dhe sistem të avancuar të sigurisë, të pësojë dëme që kushtojnë rreth pesëmijë euro.

Derisa pronari po ofron shpërblim prej 1,000 eurove për atë që e identifikon hajnin, si dhe 250 euro për atë që i shpërndanë i shpërndanë këto pamje në Facebook dhe kjo ndihmon në identifikimin e tij.

Veturat e reja, janë gjithnjë e më vështirë të vidhen për shkak se kanë teknologji të lartë që e aktivizon menjëherë alarmin, derisa në këtë rast është vështirë të identifikohet hajni, ndërsa targat e makinës nuk shihen aq sa duhet. /Telegrafi/