Në gjykimin për vrasjen e Naim Gërvallës e Lutfi Saraçit dhe plagosjen e rëndë të Besim e Besart Istrefit që mes vete janë babë e bir, tensionet u ngritën kur u lirua nga paraburgimi Besim Istrefi.
“A jemi në gjykim për krime të rënda e vrasje të rënda apo për vjedhje. Ne ju kemi lënë juve, ua kemi lënë drejtësisë”, tha njëri nga familjarët e të ndjerëve
Istrefi bashkë me djalin e tij Besartin janë pronarë të restorantit “Shega” ku ndodhën vrasjet dhe plagosjet për të cilat po zhvillohet gjykimi.
Besim Istrefi që thuajse ka mbetur i paralizuar nga plagët e marra gjatë përleshjes në restorantin e tij, u lirua nga paraburgimi për arsye shëndetësore.
Avokati Ali Beka e kërkoi zëvendësimin e masës së paraburgimit për të mbrojturin e tij me arsyetimin se Besim Istrefit i është përkeqësuar gjendja shëndetësore, pasi Qendra e Paraburgimit në Dubravë nuk po vepron konform kërkesave të tij.
Gjyqtari Vesel Ismajli pranoi kërkesën e avokatit Beka për lirim nga paraburgimi të të mbrojturit të tij, por refuzoi t’ua heqë këtë masë të akuzuarve Besart Istrefi e Jeton Saraçi.
“Aprovohet propozimi i avokatit Ali Beka dhe i të akuzuarit Besim Istrefi për ndërprerjen e masës së paraburgimit dhe e njëjta masë do të zëvendësohet me masën e arrestit shtëpiak. Kurse refuzohet propozimi i mbrojtësve të të akuzuarve Haxhi Millaku dhe Mentor Neziri për ndërprerjen e masës së paraburgimit ndaj të akuzuarve Besart Istrefi dhe Jeton Saraqit ndaj të cilëve do të mbetet në fuqi aktvendimi i fundit mbi vazhdimin e masës së paraburgimit”, tha gjyqtari Ismajli.
Pasi iu refuzua kërkesa për lirim nga paraburgimi, reagoi ashpër i akuzuari Jeton Saraçi.
“Çfarë drejtësie është kjo, pa asnjë provë po më mbani?”, tha Saraçi.
Pas seancës, Haxhi Millaku, avokati i Besart Istrefit tha se priste që i mbrojturi i tij të lirohej nga paraburgimi.
“Veprimet e të mbrojturit tim janë në tipare të plota dhe me elemente qenësore të institutit të mbrojtjes së nevojshme, çka unë kom llogaritë që gjykata më në fund do të ia ndërpresë paraburgimin, mirëpo gjykata e ndërpreu masën e paraburgimit për Besim Istrefin i cili prej 02.05.2014 është në gjendje të rëndë shëndetësore thuajse tërësisht i paralizuar”, tha Millaku.
Mentor Neziri, avokati i Jeton Saraçit tha se klienti i tij po mbahet në paraburgim pa asnjë provë.
“Prandaj mbi bazën e kësaj kam konstatuar dhe sot konstatoj se me të vërtetë është shumë e çuditshme dhe e pabesueshme se si një i akuzuar i cili nuk ka asnjë provë se e ka kryer këtë vepër penale të mbahet në paraburgim që më shumë se 3 vjet, ndërsa i akuzuari Besim Istrefi i cili akuzohet për dy vrasje të lëshohet sot në mbrojtje në liri është një vendim shumë i paarsyeshëm”, tha Neziri.
Ngjarja kishte ndodhur më 2 maj të vitit 2014 në restorantin “Shega”, ku pasi kamerierët kishin filluar përgatitjet për mbylljen e restorantit, i akuzuari Jeton Saraçi, i ulur në tavolinë me Adem Dautajn dhe tani të ndjerët Lutfi Saraçi e Nazim Gërvalla, ka filluar me kërcënime e tone të larta ndaj kamerierëve.
Pas kësaj, kishte filluar konflikti në mes tyre dhe pronarëve Besim e Besart Istrefi nga i cili ishin shkaktuar vrasjet dhe plagosja. /KALLXO.com/
Promo
Reklamo këtuLufta Prigozhin - Putin
Më shumë25 vjet burgim për Enver Sekiraqën
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
“Sentinel Lymphnod Biopsy”, pajisje tjetër për SHSKUK nga fondacioni Jahjaga
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe