Ten Hag kërkon nga drejtuesit e Man Utd të bëjnë prioritet nënshkrimin me dy lojtarë

Trajneri i Manchester Unitedit, Erik ten Hag thuhet se ka kërkuar nga drejtuesit e klubit që ata të kenë prioritet dy objektiva transferimi.

Sipas The Mirror, Ten Hag i ka thënë drejtuesve që të bëjnë prioritet nënshkrimin e mbrojtësit të Ajaxit, Jurrien Timber dhe sulmuesit të Benficas, Darëin Nunez.

Trajneri i ri i United ka kaluar ditët e tij të para në Old Trafford duke hartuar një listë të objektivave të mundshëm pasi foli me drejtorin e futbollit John Murtough, drejtorin teknik Darren Fletcher dhe konsulentin e rekrutimit Ralf Rangnick.

Lexo po ashtu Man Utd dëshiron katër transferime të mëdha gjatë verës për t'u rikthyer në Ligën e Kampionëve 

Ten Hag dëshiron të bëjë gjashtë nënshkrime këtë verë, por e kupton se dëshirat e tij varen nga aftësia për të larguar lojtarët e padëshiruar nga skuadra e fryrë që ka trashëguar për të mbledhur para.

Mesfushori holandez Frenkie de Jong gjithashtu i intereson Ten Hagut, por ai do të kishte një kosto të konsiderueshme pasi Barcelona kërkon të mbledhë para për rindërtimin e saj.

Ai dëshiron të sjellë me vete mbrojtësin holandez 20-vjeçar Timber nga Ajax dhe klubi nga Amsterdami do të bënte biznes për 35 milionë funte.

Nunez, 22-vjeçari uruguaian, do të kushtojë rreth 80 milionë funte, sepse Benfica duhet t’i paguajë ish-klubit të tij Almeria 20 për qind të çdo tarife si pjesë e marrëveshjes prej 22 milionë funtesh që e bëri sulmuesin lojtarin më të shtrenjtë në Portugali pothuajse dy vjet më parë.

Ten Hag po synon gjithashtu dy mbrojtës të rinj, një mesfushor dhe një sulmues tjetër. Por, ai pranon se lëvizja për Timber dhe Nunez do të jetë me koston e shumicës së buxhetit të tij të transferimit. /Telegrafi/