Ekspozimi i rregullt ndaj të ftohtit të moderuar mund të jetë një mënyrë e shëndetshme dhe e qëndrueshme për t’i ndihmuar njerëzit që të humbasin peshë, thonë studiuesit në një publikim të “Cell Press” të quajtur “Trends in Endocrinolology & Metabolism”.
Nga ana tjetër, kjo do të thotë se shtëpitë dhe zyrat tona të ngrohta dhe të rehatshme mund të jenë pjesërisht përgjegjëse për rritjen e peshës sonë.
“Pasi që shumica prej nesh jemi të ekspozuar ndaj kushteve të brendshme 90 për qind të kohës, ia vlen të eksplorohen aspektet shëndetësore të temperaturave të ambientit”, tha autori kryesor i shkrimit, Wouter van Marken Lichtenbelt, nga Qendra Mjekësore e Universitetit Maastricht në Holandë.
“Çfarë do të ndodhte në qoftë se i lejojmë trupat tanë që të punojnë përsëri për ta kontrolluar temperaturën e trupit? Ne supozojmë se mjedisi termik ndikon në shëndetin e njeriut dhe në mënyrë më specifike që ekspozimi më i shpeshtë ndaj të ftohtit të moderuar mund të ndikojë në mënyrë të konsiderueshme në shpenzimet tona të energjisë gjatë periudhave të qëndrueshme kohore”.
Marken Lichtenbelt dhe kolegët e tij filluan t’i studiojnë efektet e të ftohtit të moderuar rreth 10 vjet më parë, kryesisht për shkak se i ishte kushtuar pak vëmendje. Studimet e mëparshme të temperaturës kryesisht u përqendruan në ekstremin për aplikimin tek ushtarakët, zjarrfikësit dhe të tjerët. Por studimet filluan të tregojnë dallime të mëdha në mesin e njerëzve në reagimin e tyre ndaj kushteve të të ftohtit të moderuar.
Kjo i çoi studiuesit në një zbulim të rëndësishëm: yndyra e cila gjeneron ngrohtësi dhe djeg kalori nuk është vetëm për foshnjat. Të rriturit e kanë atë gjithashtu dhe disa më shumë se të tjerët.
Marken Lichtenbelt thotë se ata tani kanë prova të cilat sugjerojnë se temperatura më e ndryshueshme shtëpiake – një temperaturë e cila përputhet me temperaturat e jashtme – mund të jetë e dobishme, edhe pse efektet afatgjata ende presin hetim të mëtejshëm.
Një grup hulumtuesish nga Japonia zbuloi një rënie në yndyrën e trupit pasi që njerëzit kaluan 2 orë në ditë në 17 gradë celsius për gjashtë javë. Ekipi holandez gjithashtu zbuloi se njerëzit mësohen me të ftohtit me kalimin e kohës. Pas gjashtë orëve në ditë në të ftohtë për një periudhë prej 10 ditësh, njerëzit në studimin e tyre rritën sasinë e yndyrës ngjyrë kafe, ndiheshin më rehatshëm dhe dridheshin më pak në 15 gradë celsius.
Tek personat e rinj dhe ata të moshës së mesme të paktën, prodhimi jodridhës i nxehtësisë mund të përbëjë deri në 30 për qind të buxhetit të energjisë së trupit, thonë ata. Kjo do të thotë se temperaturat më të ulëta mund të ndikojnë në mënyrë të konsiderueshme në sasinë e energjisë që shpenzon një person.
Pra, ndoshta, përveç ushtrimeve tona, duhet ta trajnojmë veten për të kaluar më shumë kohë në të ftohtë. Megjithatë, kthimi i kësaj në vepër kërkon pak bindje.
Temperaturat e brendshme në shumicën e ndërtesave rregullohen për të minimizuar përqindjen e njerëzve të pakënaqur”, shkruajnë studiuesit. Kjo rezulton në temperatura relativisht të larta në hapësira të brendshme gjatë dimrit. Kjo është evidente në zyra, në banesa dhe është më e theksuar në qendrat e kujdesit dhe spitale.
Nga mungesa e ekspozimit ndaj një temperature të ndryshme të ambientit, popullata të tëra mund të jenë të prira për të zhvilluar sëmundje si obsesiteti. Përveç kësaj, njerëzit bëhen të ndjeshëm ndaj ndryshimeve të papritura në temperaturën e ambientit”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Shkencëtarët zbuluan se sa orë në ditë duhet të ulemi, të flemë, të qëndrojmë në këmbë dhe të ushtrohemi
Është miratuar një trajtim i ri për një lloj kanceri të fshikëzës
Këto janë simptomat që i paraprijnë një krize nervore: Çfarë duhet bërë në ato momente
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'