Telefoni i palosshëm nga Samsung mund të mos lansohet sivjet

Për vite me radhë kemi dëgjuar thashethemet dhe raportet se Samsung po zhvillon një telefon me një ekran të palosshëm.

Pajisja në fjalë pritet të zyrtarizohet në Konferencën e Zhvilluesve të Samsung të muajit të ardhshëm, edhe pse duke gjykuar nga ajo që është thënë deri tani, duket se Samsung ende nuk e ka finalizuar projektin, dhe mund të mos jetë gati për treg së shpejti.

Në fakt, nëse po mendoni të merrni këtë pajisje, atëherë mund të vini re një raport nga Bloomberg, që tregon se Samsung mund ta bëjë atë komercialisht të disponueshëm në tremujorin e dytë të vitit 2019.

Duke pasur parasysh se ky do të jetë telefoni i parë i këtij lloji, supozojmë se ka shumë gjëra për t’u marrë parasysh dhe shumë gjëra që Samsung duhet të bëj mirë nëse shpresojnë të bëjnë një përshtypje të mirë fillestare.

Për më shumë, ata nuk janë kompania e vetme me plane për një telefon të palosshëm, me të tjerë si Huawei që shpresojnë të jenë të parët, së bashku me Lenovon, që thuhet se po punon me LG në krijimin e një tableti të palosshëm. /Telegrafi/