Teksa ishte fituesja kryesore me nëntë çmime gjithsej, Taylor Swift humbi unazën me vlerë mbi 11 mijë euro gjatë MTV VMA

Taylor Swift ishte fituesja e madhe gjatë VMA-ve të së martës mbrëma 2023, duke u larguar nga shfaqja me nëntë çmime – dhe pa një unazë shumë të vlefshme në gishtin e saj.

Një nga të famshmit e veshur më së miri të mbrëmjes, krijuesja e hitit “Anti-Hero” kaloi në tapetin e kuq i veshur me aksesor me vlerë më shumë se 160,000 dollarë (149 mijë euro), duke përfshirë një unazë të cilësisë së mirë Van Cleef & Arpels nga Joseph Saidian & Sons me çmim 12,000 dollarë (11, 179 euro).

Siç shihet në pamjet nga transmetimi, duket se diamanti qendror u hoq në një moment gjatë ceremonisë, ndërsa Swift kërcente dhe duartrokiste në turmë.

Në klipin viral, ylli mund të shihet e mërzitur duke i treguar unazën në dukje të dëmtuar një punonjësi, dhe duke nxitur një kërkim të plotë për gurin.

Këngëtarja kishte një hapësirë ​​boshe në gishtin tregues të dorës së saj të majtë ndërsa pranonte çmimin për videon e vitit në fund të transmetimit televiziv.

help taylor broke her ring?? pic.twitter.com/nJXeZraVLf

— Taylor Throwbacks (@ThrowbackTaylor) September 13, 2023

Rezultatet e përpjekjeve të tyre për ta gjetur mbeten të panjohura, por për fat të keq për Taylor, ajo nuk u fotografua duke mbajtur unazën për pjesën e mbetur të natës.

Lexo po ashtu Taylor Swift bënë histori në MTV VMA, fiton për herë të katërt në karrierë çmimin kryesor të ceremonisë

Ky nuk është rasti i vetëm i zhdukjes së bizhuterive të vlefshme gjatë një shfaqjeje të madhe çmimesh, teksa performonte gjatë Billboard Music Awards 2018, Ariana Grandes iu zhduk qaforja me diamant prej 169,000 dollarësh (157 mijë euro).

Swift ndërkohë bëri histori kur fitoi në nëntë nga 11 kategoritë që u nominua – duke përfshirë Artistin e Vitit – në ngjarjen vjetore, e cila u mbajt në Qendrën Prudential në Newark, New Jersey.

Taylor fitoi “Albumin e vitit” për “Midnights” dhe “Show of the Summer”, përveçse mori gjashtë çmime për videon dhe këngën për “Anti-Hero”.

Ato përfshinin” Videon e vitit, kinematografia më e mirë, efektet më të mira vizuale, regjia më e mirë, pop-i më i mirë dhe kënga e vitit. /Telegrafi/