TEDORE nga Kosova, në mesin e gjigantëve Evropianë në Panairin “ARTOZA 2025”

Brendi vendor i prodhimit të lëndës së parë të Pastiçerisë “TEDORE” pjesë e korporatës LB Group, e cila është po ashtu lider në prodhimin e të gjitha llojeve të ambalazheve nga kartoni si Pizza Box, Cake Box, Cake Board, Transport box.., do të jetë pjesëmarrëse në panairin nga më të rëndësishmit në Evropë “Artoza 2025”.

Ky panair do të përfaqësohet nga Kompanitë dhe brendet më të mëdhaja të pastiçerisë nga mbarë bota, dhe do të mbahet nga data 21-24 shkurt në Athinë.

Prezenca e një prodhuesi vendor karshi emrave më eminent të Korporatave Ndërkombëtare të kësaj industrie, do të jetë imazh i mirë për Kosovën, por dhe mundësi e shkëlqyer për rritjen e eksportit vendor.

TEDORE është eksportuesi më i madh vendor për produktet lëndë e parë pë pastiçer, akullore dhe furrave të bukës duke përfshinë një gamë me mbi 80 produkte.

Panairi “ARTOZA 2025” është një event i rëndësishëm për industrinë, në të cilin rreth 280 prodhues dhe pastiçerë nga vende të ndryshme prezantojnë inovacionet më të fundit në këtë sektor.

Ky panair ofron mundësi të shkëlqyera për rrjetëzim, shkëmbim përvojash dhe zhvillim të biznesit, duke bashkuar prodhues, furnitorë dhe profesionistë të fushës.

Përveç saj, organizohen demonstrime praktike, seminare dhe diskutime mbi trendet më të reja në këtë industri.