Të urrej, të dua: Përse u kthehemi ish-partnerëve?

Ndërprerjet shpesh janë të dhimbshme dhe të komplikuara

Gjërat kurrë nuk janë bardhë e zi dhe ndodh që çiftet të pajtohen dhe të ndahen përsëri dhe pastaj të pajtohen dhe të ndahen përsëri dhe kështu me radhë deri në një pafundësi.

Përtëritja e lidhjes gjithmonë nga e para nxit emocione intensive, transmeton Telegrafi.

Personi mund të përjetojë një vorbull të vërtetë të ndjenjave, nga dashuria intensive, hidhërimet, xhelozitë, pikëllimi dhe problemet për shkak të gjendjes së lidhjes brenda vetëm disa ditësh.

Mikja e ngushtë, familja, të gjithë po mundohen të të thonë se nuk ia vlen më, por ti e ke ndarë mendjen: do të rikthehesh me ish- in.

Përpara se ta bësh këtë, përpara se të marrësh një vendim të tillë, sepse në fund të ditës je ti ajo që zgjedh ç’është e mira për ty, ne dëshirojmë të ndalesh për pak, të harrosh gjithçka dhe t’i bësh vetes këto pesë pyetje: “Përse u ndamë? Mos jam thjesht, e vetmuar? “Çfarë më pëlqen ende tek ai?” Çfarë lloj lidhjeje po kërkoj tani?” Ç’ndryshime duhet të bëj nëse kthehem me të?”

Ekspertë të shumtë në psikologjinë njerëzore, kanë dëshmuar se ka shumë arsye që në mënyrë të ndërgjegjshme ndikojnë në vendimin tonë për t’u rikthyer te një-partneri:

Nuk mund të vazhdoni me vetminë

Ndarjet nuk janë të lehta, ju e gjeni veten të vetmuar në ato momente, dhe personi që ju bënte të lumtur nuk është më afër teje. Filloni të mendoni për momentet e lumtura, gjërat e bukura që keni bërë së bashku, dhe nuk mund të vazhdoni më të ndiheni të vetmuar.

Po kaloni një gjendje të rëndë emocionale

Ndarjet pretendojnë të jenë dramatike, dhe më e keqja është që dhimbja brenda nesh na ndjek deri sa të mendojmë që ndoshta është më mirë që të riktheheni së bashku, duke harruar të gjitha momentet që në fakt ju shkaktuan këtë gjendje.

Partneri ka ndryshuar

Në qoftë se mashkulli vërtet ka ndryshuar, është ky një shkak shumë i mirë që përsëri të provoni, mirëpo shumë shpesh është fjala për egon e tij, i cili nuk mund të durojë që dikush të ketë mendim të keq për të. Edhe pse nuk e shohim që veprimet tona janë të kundërta me atë që ne do të donim, nganjëherë ne harrojmë principet tona duke shpresuar që partneri do të ndryshojë për të mirë. /Telegrafi/