LAJMI I FUNDIT:

Të shtëna armësh në një shkollë në Gjermani, plagoset një nxënës – policia arreston sulmuesin

Të shtëna armësh në një shkollë në Gjermani, plagoset një nxënës – policia arreston sulmuesin

Në një shkollë në qytetin gjerman Offenburg, një nxënës ka shtënë me armë zjarri mbi një nxënës tjetër.

Berliner Morgen Post raporton se ekipet e shpëtimit i kanë ofruar ndihmën mjekësore nxënësit të plagosur, transmeton Telegrafi.

Raportohet se mbi shkollë janë duke fluturuar katër helikopterë të policisë gjermane.


Siç raporton Bild, dhjetëra policë kanë rrethuar shkollën, kurse nxënësve të frikësuar nuk u është lejuar të largohen.

“I dyshuari është arrestuar në kuadër të operacionit të masave të gjera në shkollë e Offenburgut. Fjala është për një të ri”, është thënë nga policia.

E për shkak të shtënave, policia ka bllokuar tërë rajonit përreth shkollës. /Telegrafi/