Të rinjtë ankohen se nuk po mund t’i hapin konservat, kërkojnë nga prodhuesit të ndryshojnë ambalazhet (Video)

Kohëve të fundit, janë shtuar videot në internet, që i shfaqin problemet e të rinjve në hapjen e konservave. Me këtë rast, po kërkohet nga prodhuesit, që të ndryshojnë ambalazhet dhe lehtësimin e sistemit të hapjes.

‘Milenialët’ siç njihet të lindurit në dy dekadat e fundit të shekullit XX – që janë më pak të njoftuar me punët e shtëpisë – po hasin në vështirësi kur është fjala te konservat edhe nëse e kanë çelësin e duhur, transmeton Telegrafi.

Shumë prej tyre janë prerë dhe lënduar, teksa përdornin çekanët dhe thikat ose kaçavidat, që të shpojnë kapakët nga metali.

Në anën tjetër, prodhuesit e ushqimeve kanë thënë se këto konserva janë shumë të mira për ruajtjen e ushqimit, ndërsa janë të lehta për tu hapur, qoftë edhe nga ndonjë fëmijë. Megjithatë, pranuan se do të bëjnë përpjekje, për të bërë mbyllje që hapet me lehtësi më të madhe.

Videoja e postuar më poshtë, i tregon dy të rritur, që angazhohen së bashku për të hapur një konservë gjelle, e cila mund të hapej me një rrëshqitje të lehtë çelësi. /Telegrafi/