Të lodhur në mëngjes, tharje goje, etje, dëshirë për gjëra të kripura; Të gjitha këto shenja të çojnë te një sëmundje
Nëse keni disa nga simptomat e përshkruara mëposhtë, atëherë ka shumë mundësi që të vuani nga lodhja e gjëndrave mbiveshkore
• Ndiheni të lodhur që në mëngjes dhe/ose gjatë ditës. Edhe nëse keni fjetur mjaftueshëm gjatë natës, për shkak të mungesës së disa hormoneve ndieni nevojën për t’u shtrirë dhe për të fjetur pa ardhur akoma dreka.
• Ndiheni të lodhur gjatë gjithë ditës në punë, por më energjikë në mbrëmje, kur mbërrini në shtëpi. Kjo ndodh kur gjëndrat e lodhura mbiveshkore e përmbajnë sasinë e kufizuar të hormoneve rezervë gjatë stresit të ditës, në rast se gjendja e emergjencës rritet, dhe i lëshojnë këto rezerva kur ktheheni në shtëpi, në një ambient të qetë, ku e dini se nuk ju pret asgjë e papritur.
• Jeni shumë të lodhur, por nuk ju zë gjumi. Procesi i gjumit dhe veçanërisht faza REM, kanë nevojë për hormonet e gjëndrave mbiveshkore. Nëse prodhimi i këtyre hormoneve është i pamjaftueshëm, do të vuani nga pagjumësia, ndjeshmëria dhe parehatia gjatë gjumit dhe/ose mungesa e ëndrrave.
• Ndiheni të lodhur edhe pas një nate me gjumë të thellë. Nëse nuk keni mjaftueshëm hormone për të furnizuar fazën REM dhe atë të ëndrrave, nuk keni për të kaluar një natë të qetë. Mungesa e theksuar e hormoneve ju harxhon aq shumë energji, saqë nuk ju mjafton as gjumi “për të karikuar bateritë”.
• Edhe puna më e vogël ju djersit, sepse sistemi juaj endokrin bën punë shtesë për të kompensuar mungesën e vazhdueshme të adrenalinës.
• Jeni vazhdimisht të etur dhe duket sikur asgjë nuk jua shuan etjen; ose ju thahet vazhdimisht goja; ose keni dëshirë për gjëra të kripura.
Kjo ndodh sepse një numër i konsiderueshëm elektrolitesh në gjak dhe në sistemin nervor shkatërrohen nga vërshimi i vrullshëm i kortizolit. As uji, as pijet e gazuara, as kafeja, alkooli dhe pijet e tjera nuk kanë për t’jua zgjidhur problemin.
Ju keni nevojë që të zëvendësoni elektrolitet e humbura duke pirë një pije që përmban sasinë e duhur të kripës, potasit dhe glukozës (për shembull, ujë arre kokosi, lëng molle të shtrydhur, lëng selinoje, ose përzierje selino/mollë, ose selino/kastravec.)
• Turbullim i shikimit ose vështirësi në përqendrimin e syve. Kjo shkaktohet nga kortizoli i tepërt, i cili ka veti dehidratuese dhe prek zonat më të ndjeshme, siç janë sytë, që duhet të jenë vazhdimisht të hidratuar. Simptoma të tjera janë rrathët e zinj përreth syve dhe/ose sy të futur në zgavra.
• Dëshirë e vazhdueshme për stimulues. Nëse për të përballuar aktivitetet e ditës keni nevojë për stimulues, si: cigaret, pijet e gazuara, kafeina, lëngjet me sheqer, ëmbëlsirat, biskotat, gjevrekët, ose edhe drogë që jepet si ilaç me recetë, si amfetamina, me siguri që po kërkoni instinktivisht të zëvendësoni mungesën e hormoneve të gjëndrave mbiveshkore.
Problemi është se këta stimulues ju furnizojnë me një shpërthim të menjëhershëm energjie, dhe ju lënë “shakull” sapo efekti i tyre fillon të zbehet. Duke i detyruar gjëndrat mbiveshkore që të punojnë të sforcuara dhe pastaj i plandosin ato, këta stimulues krijojnë një cikël ulje-ngritjesh, që me kalimin e kohës e dëmton më shumë funksionin e tyre. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj