Të gjitha veturat e reja do të duhet të kenë një kufizues shpejtësie, ja çfarë do të thotë kjo

Ashtu siç pritej, një tjetër sistem do të bëhet pjesë e pajisjes së detyrueshme të veturës, që në korrik të vitit të ardhshëm.

Komisioni Evropian ka miratuar një draft rregullore që përcakton instalimin e detyrueshëm të pajisjeve për “Inteligjente Speed ​​Assistance” (ISA) në të gjitha automjetet e reja, duke përfshirë veturat dhe automjetet komerciale, nga 6 korriku 2022.

Për më tepër, gjeneratat e modeleve të veturave që dalin në shitje para kësaj date nuk do të duhet të kenë një sistem deri në fillim të vitit 2024.

Kjo do të thotë se pothuajse të gjitha veturat e reja në tregun rajonal dhe vendor do të duhet të pajisen me kontrollin e vozitjes.

Rregullimi i shpejtësisë mund të përcaktohet nga të dhënat e sistemit të navigimit ose sistemit të njohjes së karaktereve, i cili është gjithashtu gjithnjë e më i zakonshëm në veturat e sotme.

Është në dorën e prodhuesve të sigurojnë besueshmërinë e përcaktimit të shpejtësisë dhe u takon vendeve të BE-së të kujdesen për shenjat e trafikut të kufirit të shpejtësisë, thekson Komisioni Evropian.

Sistemi ISA do të njoftojë shoferin për shpejtësinë maksimale të lejuar me një sinjal zanor dhe haptik dhe më pas vetë sistemi do të reagojë automatikisht duke parandaluar shpejtësinë.

Natyrisht, kjo nuk do të thotë se shoferi nuk do të jetë në gjendje të drejtojë mbi 130 km/orë, sepse sistemi do të jetë në gjendje të “anashkalojë” presionin e papritur të pedalit të gazit.

Gjegjësisht, është paraparë mundësia që shoferi ta çaktivizojë sistemin, por që ai të aktivizohet automatikisht sa herë që motori ndizet. Mënyra se si funksionon është, për ta thënë thjesht, si një sistem start-stop. /Telegrafi/