Kryeministri i Shqipërisë Edi Rama e cilësoi sot ngjarje historike zhvillimin në Tiranë të takimit të 70-të të Komisionit për Evropën të Organizatës Botërore të Turizmit (UNWTO).
Në fjalën e mbajtur në këtë takim, Kryeministri u shpreh se ai vjen në kohën e duhur në vendin tonë, kur impakti i turizmit po transformon në mënyrë të pabesueshme ekonominë dhe përfaqësimin e Shqipërisë në botë.
“Shpresojmë shumë që me anën e turizmit, ne të kuptojmë akoma dhe më shumë, jo vetëm për rëndësinë që ka turizmi për ekonominë, por edhe për ndjesinë e vetëidentifikimit, si edhe për ndjesinë e humanitetit që ne mund t’i ofrojmë njëri-tjetrit”, tha ai.
Për të treguar hapat që ka hedhur Shqipëria në drejtim të zhvillimit të turizmit, Kryeministri Rama solli në vëmendje situatën e izolimit që përjetonte vendi gjatë diktaturës komuniste.
“Ne kemi njohur një periudhë të historisë në të cilën kemi qenë tërësisht të ndarë, të veçuar e izoluar nga të gjithë. Çdo gjë është përtej imagjinatës të izolimit dhe brutalitetit që kemi hasur në këtë vend deri para 30 vitesh. Ne kemi pasur 5 mijë turistë në atë kohë dhe ata jo të zakonshëm por marksistë-leninistë”, tha Rama.
Sot, vijoi ai, kemi një realitet tërësisht tjetër, me më shumë se 10 milionë turistë që kaluan në Shqipëri vitin e kaluar dhe me shifra shumë të larta gjatë muajve të parë të vitit.
Kryeministri theksoi se përveç suksesit në këtë drejtim ka edhe shumë sfida me të cilat, siç u shpreh ai “duhet të përballemi dhe t’i zgjidhim në rast se dëshirojmë që Shqipëria të ecë para në mënyrë të qëndrueshme dhe të jetë një destinacion ku turizmi të jetë një vlerë e shtuar”.
“Ne duhet të ruajmë natyrën, duhet të ndërtojmë gjëra me arkitekturë të bukur dhe t’i gërshetojmë të dyja, nga njëra anë të krijojmë mundësitë e duhura që njerëzit të marrin më shumë nga puna e tyre, por të lënë më shumë nga Shqipëria për brezat e ardhshëm ndërkohë që ndërtojmë një destinacion të rëndësishëm turistik”, tha kryeministri.
Kryeministri vlerësoi rolin e OBT-së në ndarjen e ekspertizës dhe njohurive mes vendeve, që të mos përsëriten më gabimet e të shkuarës në drejtim të zhvillimit të turizmit.
“Ju i keni përjetuar vetë këto gjëra. Keni kaluar këto faza zhvillimi dhe keni mësuar shumë nga gabimet tuaja. Ne nuk duhet të bëjmë të njëjtat gabime por duhet të nxjerrin mësime ndaj e vlerësojmë kaq fort OBT-në. Shpresojmë fort që ne do të mësojmë nga gabimet tuaja, ndërsa tashmë i kemi bërë disa gabime tonat prej të cilave kemi nxjerrë mësime”,tha ai.
Rama theksoi se Shqipëria trashëgon një potencial të madh pasi Zoti dhe historia janë treguar bujare dhe na kanë lënë trashëgim disa vende nga antikiteti.
“Ne nuk jemi Zvicra por duhet të kemi të njëjtën mënyrë si ata për të kuptuar se çfarë do t’i lëmë brezave të ardhshëm që mos të prishin bukuritë natyrore”, tha Rama.
Kryeqyteti mikpriti sot takimin e 70-të të Komisionit për Europën i Organizatës Botërore të Turizmit, i cili përzgjodhi Shqipërinë në një bashkëorganizim, me pjesëmarrjen e Sekretarit të Përgjithshëm të UNWTO, Zurab Pololikashvili dhe të delegacioneve nga e gjithë Europa. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Kurti, ambasadorëve të QUNT-it: Normalizimi i marrëdhënieve me Serbinë dhe anëtarësimi në Këshillin e Evropës nuk duhet të përzihen
A kanë darkuar së bashku Shkëlzen Berisha dhe Erion Veliaj, reagon kryebashkiaku i Tiranës
Mickoski në VLEN, caktohet agjenda bashkëqeverisëse
Ambasadorët e QUINT-it i shkojnë në zyre Kurtit – nuk dihet arsyeja
DW: Sinjale alarmi nga Ballkani - po përsëritet historia?
Kërkohet ligj për Gjergj Kastriotin - Skënderbeun, propozohet 28 tetori si festë kombëtare
Kosova ia ndaloi hyrjen, Petkoviq arsyetohet se vizita kishte karakter fetar
“Luani i Gllogjanit, ishte kthyer në luan të UÇK-së” – Kurti dhe liderët politikë kujtojnë Luan Haradinajn në 27 vjetorin e rënies së tij
"Ratko Mlladiq hero i popullit" - grafitet që po provokojnë qytetarët shqiptarë në veri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'