Takat e larta dëmtojnë këmbët

Së shpejti, do të arrijmë në një pikë ku takat e këpucëve të femrave nuk ka si të bëhen më të gjata. Për shkak të takave të larta, edhe ecja është më e çekuilibruar, sepse pas çdo hapi trupi sforcohet për të gjetur stabilitet në një pozicion që nuk është natyror.

Taket pesë centimetra i bëjnë kyçet e këmbëve të duken më të ngushta. Ato 7.5 cm i bëjnë prapanicat e tyre të duken më të dala, duke i bërë ato të ecin sikurse të ishin duke u lëkundur. Te ato me gjatësi përreth 9 cm, femrat vetëm sa shihen që nuk mundin të lëvizin me lehtësi dhe duken sikur kanë nevojë për ndihmë.

Disa meshkuj këtë gjendje të femrave e shohin si një rast për t’u treguar sa më mashkullor, dhe për t’i ndihmuar ato. Tek gjatësia e takave 10 centimetra, femrat fillojnë të duken të sa të dobëta, aq edhe të egra. Nëse i kalon në anën e keqe, ajo do të mundë t’i përdorë takat si armë, metaforikisht dhe fizikisht. Por kur e kalon 10 centimetërshin, siç kanë filluar ta kalojnë takat trendi të këtij viti, tani më vetëm kanë filluar të kalojnë në ekstrem. Çka shohin meshkujt këtu është që në vend të një ecjeje feminine fillon të shfaqet një marshim njësoj si i kuajve në cirk.

Në këtë gjatësi të takeve, këmbët fillojnë të shtangen dhe të ngathtësohen. Ecja nuk është më delikate, por bëhet jo-feminine, sikur të kishin veshur këpucë zhytësish të bëra nga plumbi. Dhe, përderisa këta kuaj cirku nëpër rrugë, meshkujt nuk munden mos të mendojnë për dhimbjen që reflektohet në fytyrat, ecjen dhe sjelljet e tyre.

Përderisa ata e kalojnë tërë ditën rrugëve duke ecur me këpucë apo atlete të rehatshme, janë disa qenie tjera të cilat janë duke hequr të zitë e ullirit për t’u dukur sa më moderne,
dhe sa më atraktive: Po për kë?

Meshkujt ndiejnë keqardhje për to. Edhe ato vazhdojnë, deri sa të arrijnë të ulen diku me këmbë që dhëmbin pa masë. A thua ia vlen e tërë kjo?

Nga perspektiva e meshkujve, të cilët në krahasim me femrat, ndihen sikur janë duke fluturuar në ajër, vjen një JO e madhe. /Telegrafi/