Tajlandezi vodhi 67 të brendshme të grave për t’i varur në “pemën e masturbimit”

Një burrë vodhi 67 pjesë të brendshme të grave, i përdori për të kënaqur veten dhe më pas i vari në “pemën e masturbimit”.

Ophas Chuenjit, 27 vjeç, u arrestua pasi një shofer që kalonte aty zbuloi pemën e çuditshme në pyll afër shtëpisë së tij në Kamphaeng Phet, Tajlandë.

Koloneli Somchai Mongkonwong tha se “i dyshuari nuhaste rrobat ndërsa masturbonte dhe i hidhte ato sapo aroma e pronarëve të ishte zbehur. Ai i varte në tufën e bambusë pas spitalit”.

Disa banorë në fshatrat e afërta ishin ankuar për mungesën e të brendshmeve të tyre, por nuk e dinin se rrobat e tyre ishin vjedhur ose për çfarë ishin përdorur.

Gjashtë fshatarë të cilët besojnë se të brendshmet e tyre u ishin marrë nga Chuenjit, ngritën kallëzime penale kundër tij.

Oficerët i kanë kërkuar kujtdo tjetër që mendon se ka qenë viktimë e këtij krimi të lajmërohet në stacionin policor, raporton metro.co.uk.

Chuenjit është akuzuar për vjedhje dhe përballet me një dënim me burg nga një deri në pesë vjet.

Ndryshe, të brendshmet janë larguar nga pema dhe u dërguan në komisariat në cilësinë e provës materiale. /Telegrafi/