Deri më tani, Facebook e ka lansuar në vetëm një format tabletin Portal, ndërsa tani do ta sjellë edhe Portal Mini, në formatin më të vogël që ngjanë me telefon.

Kjo nuk është e vetmja risi, meqë së bashku me dy të parat, më pesë nëntor do të lansoht edhe Portal TV, transmeton Telegrafi.

Të gjitha këto pajisje, mund të lidhen mes vete nëpërmjet internetit dhe të shërbejnë për komunikim, me mundësi shumë të mira për video lidhje dhe pamje të drejtpërdrejta.

Në Portal TV që kushton 134 euro, mund të vendoset kamera Smart Camera që e ka zhvilluar Facebook dhe të bëhen lidhjet e drejtpërdrejta me tabletet tjera Portal.

Së bashku me aplikacionin e shumëkërkuar Messenger, në këto pajisje do të jetë i integruar edhe WhatsApp, që mundëson video të plotë në të gjithë ekranin.

Detaje shtesë lidhur me Portal, pritet të kemi në ditët në vazhdim, ndërsa derisa të bëhet lansimi, mund të shikojmë videon atraktive me Muppets, që e përdorin së bashku këtë pajisje. /Telegrafi/