Shefi i zyrës së BE-së në Kosovë, Tomas Szunyog, ka thënë se Kryeministri Albin Kurti, tashmë ka një ftesë për takim bilateral në Bruksel, për të parë tutje se si do procesohet me dialogun me përfaqësuesit e Beogradit.

Szunyog ka bërë të ditur se ky takim bilateral, pritet të mbahet javët në vijim.

”Ne po shpresojmë që kjo të ndodhë mjaft shpejt”.

”Ka tashmë ftesë zyrtare për Kryeministrin [Albin] Kurti që të vizitojë Brukselin në kuptimin bilateral, si dhe po shpresojmë që kjo vizitë të ndodhë së shpejti, si dhe të vijë Kryeministri [Albin] Kurti, e të diskutojmë se si të vazhdojmë tutje edhe me dialogun”, njofton Klan Kosova.

”Prapë, besojmë që të mos jetë diçka që të shtyhet apo të vonohet, sepse nuk ka kohë për të humbur”.

I pyetur se kur mund të pritet që ky takim të mbahet, tha se “Ne po shpresojmë që të bëhet në javët në vijim”.

”Pastaj, do të dimë më saktësisht se si të ecim tutje me dialogun, por gjithsesi besojmë që sa më herët, aq më mirë”, u shpreh ai.