“Sync” i Chrome do të ndalojë së funksionuari nëse nuk e përditësoni shfletuesin

Google ka njoftuar se sinkronizimi i Chrome – i cili sinkronizon shënimet, zgjerimet dhe të dhënat e tjera të shfletimit midis shfletuesit tuaj dhe llogarisë Google – do të ndalojë së funksionuari nëse e lini Chromen të mos përditësohet për një periudhë të gjatë.

Lajmi i mirë është se kërkesa është mjaft e ulët: Chrome duhet thjesht të ketë qenë i përditësuar brenda katër viteve të fundit për të vazhduar të sinkronizohet.

Kompania nuk ka konfirmuar një numër të caktuar versioni për ndërprerjen e mbështetjes, vetëm që sinkronizimi “do të ndalojë së funksionuari në versionet e Chrome që janë më shumë se katër vjet të vjetra”. Ky ndryshim do të hyjë në fuqi diku në fillim të vitit 2025.

Nëse versioni juaj i shfletuesit është shumë i vjetër, duhet të prisni të shihni një nga këto dy mesazhe gabimi “Përditësoni Chrome për të filluar sinkronizimin” ose “Përditësoni Chrome për të vazhduar përdorimin e të dhënave të Chrome në llogarinë tuaj Google”.

Google ka filluar tashmë të ulë rëndësinë e sinkronizimit të Chrome duke sinkronizuar fjalëkalimet, adresat dhe detajet e pagesave automatikisht kur kyçeni në Chrome, pa kërkuar që ju të mundësoni veçmas funksionin e sinkronizimit.

Historia e shfletimit, shënimet dhe zgjerimet do të vazhdojnë të ndahen vetëm kur sinkronizimi të jetë aktivizuar. /Telegrafi/