Sulm i ri ndaj Mbappes: Është koha që ai të largohet nga PSG, nuk ka rëndësi se ku

Kylian Mbappe dha një intervistë shpërthyese për France Football më 12 qershor dhe pasi u publikua një muaj më vonë, disa pjesë të bisedës me sulmuesin francez shkaktuan zemërimin e pronarëve të klubit dhe bashkëlojtarëve.

Lojtari dëshiron të largohet nga PSG për te Real Madridi, gjë që shqetësoi ish-drejtorin sportiv të klubit Leonardo.

“Kur shikoni sjelljen e tij gjatë dy viteve të fundit, është e qartë se ai ende nuk është i aftë të udhëheqë një ekip”, ka thënë fillimisht ai.

Lexo po ashtu Dy yjet që mund t'i shesë Real Madridi për të financuar blerjen e Kylian Mbappes

“Ai është një lojtar i madh, por ai nuk është një lider. Është një golashënues i madh, por nuk është krijues. Është shumë e vështirë të ndërtosh një ekip rreth tij”.

“Për hir të tij dhe për hir të PSG-së, mendoj se ka ardhur koha që ai të largohet nga Parisi. Nuk ka rëndësi se ku shkon, rëndësi ka vetëm që ai të shkojë”.

“PSG ka ekzistuar para Mbappes, do të ekzistojë edhe më vonë. Ai është në PSG për gjashtë vjet tashmë, dhe janë edhe pesë klube të tjera që kanë fituar Ligën e Kampionëve në atë periudhë”, ka shtuar më tej Leonardo. /Telegrafi/