Stuhia Dennis sjell anijen “fantazmë”, në mënyrë të mistershme arriti në brigjet e Irlandës – brenda saj nuk kishte asnjë anëtarë të ekuipazhit

Një histori e pazakontë për anijen transportuese MV Alta të gjatë mbi 77 metra që lundron nëpër ujëra pa anëtarë të ekuipazhit, ka tërhequr vëmendjen e mediave botërore.

Anija misterioze transportuese që lundron nën flamurin e Tanzanisë, në shtator të vitit të kaluar është vërejtur për herë të fundit nga marina mbretërore e Britanisë së Madhe në Atlantik, transmeton Telegrafi.

Anija fantazmë është vërejtur duke lundruar pranë brigjeve afrikane gjashtë muaj më parë, kurse tani është parë në brigjet e Irlandës, pas stuhisë Dennis që goditi këtë vend.

https://www.youtube.com/watch?v=ig8mPJEnVhE&feature=emb_title

Anija transportuese MV Alta është vërejtur të dielën, kurse zëdhënësi i rojeve bregdetare në Waterford, ka thënë se lokacioni aktual i anijes është si rezultat i stuhisë, duke pranuar se e kanë kontrolluar dhe se brenda saj nuk e kanë gjetur askënd.

Në anën tjetër menaxheri për shpëtimin e anijeve John Tatan, pretendon se kjo anije “është një në milion”.

Engineers and senior officials from @Corkcoco will inspect the 80-metre cargo vessel MV #Alta later today, which ran aground during #StormDennis near #Ballycotton in East #Cork yesterday. Some local people are clearly ahead of the posse though! @rtenews pic.twitter.com/OaXyGWS5Ex

— Paschal Sheehy (@PaschalSheehy) February 17, 2020

“Ka bredhur deri në brigjet afrikane, në perëndim të brigjeve spanjolle, në Angli e deri të Irlanda. Kurrë më herët nuk kam parë diçka të tillë”, ka shtuar ai.

Megjithatë ajo çfarë mbetet mister është se si ka ndodhur që anija e prodhuar më 1976, të përfundojë duke lundruar në Oqeanin Atlantik, duke mos pasur as edhe një njeri në të. /Telegrafi/