Stuhi e madhe në Dalmaci, banorët filmojnë pamjet e rralla të një “tornadoje”

Sipas mediave lokale, përcjell Telegrafi, një ciklon i thellë nga zona e Gjirit të Genovës u zhvendos në Adriatikun verior gjatë mëngjesit dhe pritet të lëvizë më tej drejt Adriatikut qendror.

Për shkak të kësaj, në këtë pjesë të rajonit kishte shira dhe stuhi, dhe kishte stuhi breshëri në pjesë të Dalmacisë nga Trogir dhe Split.

Por banorët kanë mundur të kapin një moment të rrallë, në të cilin shihet se si mbi det ishte krijuar një “tornado”.

Lexo po ashtu Shi i shoqëruar nga era, breshëri dhe bubullimat përfshiu shumë pjesë të Kroacisë

Veç kësaj, bregdeti kroat ishte dukshëm më i ftohtë, kështu që temperaturat e ajrit ishin 15 gradë më të ulëta sesa ishin një javë më parë.

Kjo u vlerësua si “një goditje e vërtetë” e temperaturës për banorët e Splitit të cilët dhjetë ditë më parë kishin temperatura deri në 35 gradë Celsius.

Moti në Dalmaci do të jetë i paqëndrueshëm gjatë gjithë ditës, dhe këto paqëndrueshmëri do të vazhdojnë në ditët në vijim. /Telegrafi/