Studiuesit krijojnë testin e parë të urinës për të detektuar shenjat e para të kancerit të mushkërive

Shkencëtarët kanë krijuar një test të parë të urinës në botë që mund të tregojë shenjat e para të mundshme të kancerit të mushkërive.

Shumë raste të kancerit të mushkërive diagnostikohen në fazat e mëvonshme, që do të thotë se sëmundja mund të jetë më e vështirë për t’u trajtuar. Por studiuesit shpresojnë se zbulimi i hershëm mund të nënkuptojë që pacientët të marrin trajtime më shpejt, duke u dhënë atyre një shans më të mirë për të kapërcyer sëmundjen, shkruan The Guardian.

Testi pioner hulumton për të ashtuquajturat, proteinat e qelizave “zombie” që mund të tregojnë se një pacient ka kancer në mushkëri në fazat e tij më të hershme.

Është testuar me sukses në minj dhe shkencëtarët shpresojnë të fillojë së shpejti testimin te njerëzit.

Shkencëtarët në Universitetin e Kembrixhit dhe në Institutin e Kancerit të Hershëm shikuan proteinat e ekskretuara nga qelizat e vjetra. Këto qeliza shpesh quhen “qeliza zombie”, sepse ato janë të gjalla në trup, por nuk janë në gjendje të rriten dhe të ndahen.

Qelizat shkaktojnë dëmtim të indeve duke riprogramuar mjedisin e tyre të menjëhershëm për të ndihmuar në promovimin e shfaqjes së qelizave kancerogjene.

Tani, shkencëtarët kanë zhvilluar një sensor të injektueshëm që ndërvepron me proteinat e qelizave zombie dhe lëshon një përbërës lehtësisht të zbulueshëm në urinë, i cili sinjalizon praninë e tyre. /Telegrafi/