Studiuesit gjejnë se një tjetër ëmbëlsues artificial mund të shkaktojë dëme në ADN dhe në zorrë – çfarë duhet të dini

Pasi Organizata Botërore e Shëndetësisë (OBSH) e shpalli Aspartamin si “shkaktues potencial kanceroz për njerëzit”, tani një tjetër ëmbëlsues artificial është nën mbikëqyrje pasi mund të shkaktojë dëme në ADN-n e njeriut dhe në zorrë.

Një studim i fundit ka zbuluar se një ëmbëlsues që konsumohet zakonisht, sukraloza, mund të prodhojë një kimikat gjatë tretjes që është gjenotoksik, që do të thotë se mund të dëmtojë ADN-n, transmeton Telegrafi.

Kimikati, i njohur si “sukralozë-6-acetat”, është i pranishëm në sasi të vogla në vetë ëmbëlsuesin. Studimi është kryer nga një ekip në Universitetin Shtetëror të Karolinës së Veriut.

Lexo po ashtu Ëmbëlsuesi artificial që përdoret në pije freskuese, akullore e çamçakëz - pritet të shpallet rrezik i mundshëm për kancer nga OBSH-ja

“Ne zbuluam se ‘sukraloza-6-acetati’ është gjenotoksik dhe se në mënyrë efektive shkatërroi ADN-në në qelizat që ishin të ekspozuara ndaj kimikatit”, thotë Susan Schiffman, autorja përkatëse e studimit.

Hulumtimet e mëparshme nga i njëjti ekip kishin identifikuar tashmë disa përbërës të tretshëm në yndyrë të prodhuara në zorrë pas konsumimit të sukralozës.

“Kur ekspozuam sukralozën dhe sukralozë-6-acetatin tek indet epiteliale të zorrëve – indi që rreshton muret e zorrëve – ne zbuluam se të dy kimikatet shkaktojnë ‘zorrë që rrjedh’. Në thelb, ato e bëjnë murin e zorrëve më të depërtueshëm”.

“Zorra që rrjedh” i referohet rritjes së përshkueshmërisë së zorrëve, duke lejuar potencialisht substancat të hyjnë në qarkullimin e gjakut në vend që të eliminohen siç duhet. /Telegrafi/