Studimi zbulon se foshnjat që ushqehen me qumësht gjiri mbi një vit kanë pikët më të larta në testet e të menduarit në adoleshencë

Foshnjat që ushqehen me gji për më gjatë janë mendimtarë më të mirë si adoleshent, sugjeron hulumtimi.

Një studim i më shumë se 7800 fëmijëve britanikë shqyrtoi ata që kishin qumështin e gjirit për më pak se dy muaj, dy deri në katër muaj, katër deri në gjashtë muaj ose më shumë se një vit.

Studiuesit zbuluan se ata që ushqeheshin më gjatë me gji, mbi moshën një vjeç, dolën më mirë në testet e fjalorit në moshën 14 vjeçare krahasuar me fëmijët që nuk ushqeheshin me gji.

Studimi, nga ekspertët e Universitetit të Oksfordit, tha se diferencat në pikë ishin ekuivalente me tre pikë IQ.

Lexo po ashtu Një nënë zbulon se përdor qumështin e gjirit për dhëmbët, lëkurën dhe flokët - madje e pi atë për më shumë energji

Ndërkohë fëmijët e ushqyer me gji për katër deri në gjashtë muaj dolën më së miri në një test të kujtesës, arsyetimit dhe ndërgjegjësimit hapësinor, krahasuar me fëmijët që nuk u ushqyen kurrë me gji, në moshën shtatë dhe 11 vjeç.

Ushqyerja me gji lidhej me një rritje ‘modeste’ të inteligjencës së fëmijëve edhe kur inteligjenca e nënës së tyre dhe rrethanat e tyre socio-ekonomike u morën parasysh.

Lexo po ashtu Cili është ndryshimi midis qumështit të gjirit dhe atij me formulë artificiale?

Organizata Botërore e Shëndetësisë këshillon nënat që të ushqejnë ekskluzivisht me gji fëmijën e tyre për të paktën gjashtë muaj.  /Telegrafi/