Njëri nga njerëzit kryesorë në administratën e Donald Trumpit, prej kohësh ka paralajmëruar se Amerika është duke u nisur drejt dy luftërave të reja.
Siç shkruan The Guardian, sipas opinionit të këtij njeriu, njëra luftë do të jetë me Kinën dhe tjera do të zhvillohet në Lindjen e Mesme, transmeton Telegrafi.
“Shtetet e Bashkuara dhe Kina do të luftojnë gjatë dhjetë viteve të ardhshme për shkak të ishujve në Detin e Kinës Jugore, dhe këtu nuk ka kurrfarë dyshimi. Në të njëjtën kohë, Shtetet e Bashkuara do të jenë në një luftë tjetër në Lindjen e Mesme”, ka deklaruar Steve Bannon njëri nga njerëzit më të fuqishëm në administratën e Trumpit, që aktualisht ushtron detyrën e këshilltarit kryesor për çështjet strategjike.
Këto deklarata Bannon i kishte bërë muaj më parë, kurse me ardhjen e Trumpit në Shtëpinë e Bardhë, ai u shndërrua në një prej figurave më të rëndësishme.
Ai është emëruar në krye të Këshillit për Siguri, dhe kishte ndikim të madh në vendimin për të ndalimin e hyrjes së myslimanëve në Shtetet e Bashkuara. Bannon thotë se kinezët po vijnë para hundëve “të Shteteve të Bashkuara duke pretenduar se është një det i lashtë territorial”.
“Kina pretendon se pothuajse i gjithë Deti i Kinës Jugore është brenda territorit të saj. Ata kanë ndërtuar disa ishuj artificial në përpjekje që të zgjerojnë pozicionet e tyre, por në fakt kanë forcuar edhe mbrojtjen ajrore”, ka shtuar ai.
Deklaratat e Bannon dhe pozicioni i tij në administratën e Trumpit po shkakton më shumë frikë për një konfrontim ushtarak me Kinën, në veçanti pas deklaratës së Sekretarit të Shtetit, Rex Tillerson, i cili ka thënë se SHBA-të nuk do t’i lejojnë qasje Kinës në shtatë ishujt artificialë. E gjithë kjo situatë qon drejt një lufte.
Padyshim që Bannon është i shqetësuar për ndikimin e Kinës në Azi dhe më gjerë, dhe kështu ka parashikuar përplasje globale kulturore gjatë viteve të ardhshme.
“E kemi ekspansionizmin e Islamit dhe të Kinës. Ata janë të motivuar. Arrogant. Dhe po mendojnë se krishterimi perëndimor është në fazën e tërheqjes”, kishte deklaruar Bannon në shkurt të vitit të kaluar në një interviste dhënë për një radio lokale, transmeton Telegrafi.
Në ditën e inaugurimit të Donald Trumpit president, ushtria kineze kishte paralajmëruar se lufta midis këtyre dy vende është e mundur të ndodh. Në ueb-faqen e Ushtrisë Popullore Çlirimtare ishte shkruar se paralajmërimet për shpërthimin e luftës nuk janë vetëm slogane, por që mund të bëhen realitet.
Me konfliktet ushtarake, Bannon kohëve të fundit është fokusuar edhe në perceptimin e krishterimit në botë që sipas tij është nën kërcënim.
“Ekziston diçka që kinezët i frikësohen më shumë se Amerikës… i frikësohen krishterimit me shumë se çdo gjëje”, ka deklaruar Bannon që nuk e sheh Kinën si të vetmin vend të nxehtë, por edhe Lindjen e Mesme.
“Disa prej këtyre situatave mund të jenë paksa të vështira”, kishte deklaruar ai në nëntor të vitit 2015, duke shtuar: “E dini çfarë – ne jemi në luftë. Dhe nuk ka dyshim se do të futemi sërish në një luftë të madhe në Lindjen e Mesme”. /Telegrafi/
Promo
Reklamo këtuLufta Prigozhin - Putin
Më shumëShikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
SHBA-ja përgjon aeroplanët rusë
Borrell e uroi qeverinë e re serbe, eurodeputeti gjerman nuk përmbahet: Si mund ta bëjë një budallallëk të tillë
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
"Zhduken" afro 500 mijë dollarë të ndara për rindërtimin e një qyteti ukrainas
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City