Zefiro është një kontrollues i vogël i zgjuar MIDI që futet në portën USB-C të telefonit tuaj duke e kthyer në thelb atë në një instrument muzikor të luajtshëm.
Zhvilluar nga startupi italian ARTinoise, Zefiro është një nga pajisjet më të zgjuara që kemi parë prej kohësh.
Gryka e vogël dhe shumëngjyrëshe mund të duket si një vape, por në fakt është shumë më tepër se kaq, përcjell Telegrafi.
Është një kontrollues MIDI që futet në portën e karikimit të telefonit tuaj inteligjent dhe mbështetet në një aplikacion për ta kthyer pajisjen në një larmi instrumentesh të luajtshme, nga flauti i thjeshtë, te violina dhe madje edhe tinguj të ndryshëm.
I pajisur me sensorë buzësh dhe një sensor të presionit të ajrit, Zefiro dërgon të dhëna të fuqisë së frymëmarrjes direkt në aplikacionin e dedikuar, i cili më pas përdoret për të rregulluar volumin, gjatësinë dhe harmonikën e zërit.
Çelësat ose vrimat e ajrit shfaqen në ekranin e telefonit inteligjent, kështu që ju mund ta luani instrumentin në mënyrë efektive me gishtat tuaj.
Zefiro pritet të bëhet i disponueshëm në fillim të vitit të ardhshëm, me një çmim prej 22 € për mbështetësit e kompanisë Kickstarter. /Telegrafi/
