SPG dhe KEMM dënojnë incidentet ndaj fotoreporterëve në takimin e liderëve

Sindikata e Pavarur e Gazetarëve dhe Punëtorëve Medial (SPGPM) në Maqedoni kërkon nga qeveria që urgjentisht të zbardh incidentin, në të cilin tre fotoreporterëve mbrëmë ju ndalua që të marrin pamje nga takimi i liderëve partiak në Klubin e Deputetëve.

“Nëse 11 vite kemi luftuar kundër shkeljes së bashkësive të gazetarëve, në kushtet kur siç dëshiron të thotë qeveria e tanishme “regjim”, atëherë në këtë “demokraci” do të jemi edhe më të zëshëm në luftën për dinjitetin e çdo përfaqësuesi të këtij profesioni”, thonë nga SPGPM, përcjell Telegrafi Maqedoni.

Lexo po ashtu “11 vite ju shkelën, tash gjetët të flisni”, fotoreporterëve u është ndaluar të fotografojnë liderët që arritën në takimin e sotëm

Ata shtojnë se në të kaluarën shumë padrejtësi, presione dhe maltretime janë bërë në emër të “Kushtetutës, ligjeve dhe procedurave”.

“Rikujtojmë se ne nuk jemi ata që çdo herë të parët dëgjojmë sinjalet e praktikave demokratike, por siç kemi dëshmuar deri tani, nuk kemi heshtur në të kaluarën, nuk do të heshtim edhe tani”, thuhet në njoftimin e SPGPM.

Për incidentit e mbrëmshëm ka reaguar edhe Këshilli i Etikës për Mediat në Maqedoni nga ku presin që zyrtarët për lidhje me opinionin dhe në përgjithësi nga përfaqësuesit e qeverisë që të tregojnë mirëkuptim maksimal për nevojat e punëtorëve të mediave dhe t’i sigurojnë kushtet më herët për mos pengimit të ushtrimit të së drejtës dhe interesave të tyre.

Sipas tyre, çfarëdo lloj pengese dhe shqetësimi në punën e tyre do të ndikojë në edhe në lidhje me mënyrën se si do të punojnë dhe informojnë./Telegrafi/

Lexo po ashtu Zabërçanec: Nuk është e vërtetë se fotografëve dhe kameramanëve u është ndaluar të ndjekin takimin e liderëve