Spanja ka bërë të ditur se coronavirusi ua ka marrë jetën 324 personave në 24 orët e fundit

Ministria e Shëndetësisë në Spanjë, ka bërë të ditur se numri se coronavirusi ua ka marrë jetën 324 personave në 24 orët e fundit, duke e ngritur numrin e përgjithshëm të vdekjeve nga 1,002 në 1,326.

Sëmundja është përhapur shumë brenda një kohe të shkurtër, duke u ngritur nga pesë mijë në 24,926 persona, transmeton Telegrafi.

Njoftimin për shtimin e rasteve të vdekjeve, e ka bërë kryeministri spanjoll, Pedro Sancez para se të njoftonte për 31 mijë njerëz që janë gjobitur, sepse nuk e respektuan karantinën dhe bllokadën e kërkuar nga qeveria.

Derisa, Ministria e Brendshme ka bërë të ditur se 305 persona janë arrestuar, për mos bindje ndaj urdhrave për të qëndruar mbyllur.

Për të parandaluar përhapjen e coronavirusit, policia po i kontrollon personalisht të gjithë kalimtarët, me dyshimin se nuk janë duke shkuar për të blerë gjëra ushqimore apo barna.

Forcat policore e kanë identifikuar një grup, që ndërroheshin në radhë për ta shëtitur të njëjtin qen, ndërsa policia e ndaloi një aheng privat në klubin e një hotel në kryeqytetin spanjoll. /Telegrafi/