Pas rritjes së numrit të rasteve me COVID-19 në vendin tonë, Pyper ka realizuar një sondazh me një mostër jo të rastësishme ku ka reflektuar të dhëna interesante mbi bindjen e qytetarëve sa i përket virusit COVID-19.
“Së pari, vlen të ceket se vetëm 31.18% kanë raportuar se janë shumë të shqetësuar lidhur me numrin e lartë të rasteve me COVID-19 në Kosovë. Një përqindje më e vogël prej 24.20% ndihen mesatarisht të shqetësuar dhe 17.74% nuk janë aspak të shqetësuar lidhur me këtë.
Njëkohësisht, më shumë se gjysma e pjesëmarrësve në sondazh (61.58%) vlerësojnë se coronavirusi po mbivlerësohet pasi që sipas tyre virusi është më pak i rrezikshëm se që po portretizohet në media. Në anën tjetër, 14.47% konsiderojnë se ky virus është më i rrezikshëm se që po portretizohet në media. Vetëm rreth ¼ e pjesëmarrësve vlerësojnë se rrezikshmëria e virusit është aq sa po portretizohet në media”, thuhet në sondazhin e Pyper.
Më tej, është e rëndësishme të theksohet se prej numrit total të pjesëmarrësve, 29.03% kanë pohuar se nuk besojnë se në Kosovë ekziston COVID-19. Për dallim prej këtij grupi, pjesa e mbetur e pjesëmarrësve janë shprehur se besojnë në ekzistencën e këtij virusi mirëpo vlerësimi i tyre mbi numrin e rasteve me virus është i ndryshëm. Më saktësisht, 43.81% besojnë se numri i të infektuarve me COVID-19 që po raportohet në Kosovë është më i madh se që është realisht ndërsa disa besojnë se ky numër është më i vogël se që është realisht (31.92%). Vetëm rreth ¼ e pjesëmarrësve besojnë se numri i rasteve që po raportohen me COVID-19 është real.
“Sidoqoftë, përkundër kësaj, ekzistojnë edhe perceptime të llojllojta se për kë paraqet rrezik coronavirusi. Sipas 69.51% të pjesëmarrësve, të rrezikuar nga COVID-19 janë vetëm personat që kanë ndonjë sëmundje shoqëruese ndërkaq për 6.55% të rrezikuar janë personat që nuk kanë ndonjë sëmundje. Për dallim prej këtyre dy grupeve, 16.28% vlerësojnë se coronavirusi paraqet rrezik si për personat që kanë sëmundje shoqëruese ashtu edhe për personat që nuk kanë ndonjë sëmundje. Ndërkaq 7.67% konsiderojnë se coronavirusi nuk paraqet rrezik për asnjërin prej këtyre dy kategorive.
Se coronavirusi përbën rrezik për njerëzit është theksuar nga ekspertë të ndryshëm e së fundmi edhe Ministria e Shëndetësisë ka implementuar masa të ndryshme për të parandaluar përhapjen e COVID-19. Veç kësaj, vlen të ceket se prej të gjithë pjesëmarrësve që ishin pro rikthimit të masave ndaj COVID-19 (41.69%), më shumë se gjysma e tyre vlerësojnë se komunat në të cilat ka raste aktive me COVID-19 duhet të futen në karantinë (54.34%). Në mes tjerash, disa nga masat që janë përmendur janë edhe mbyllja e bizneseve në të cilat ka qarkullim të madh të njerëzve (42.98%), kufizimi i lëvizjes (41.74%), vetëkarantinimi i personave që hyjnë në Kosovë (38.84%) si dhe pezullimi i përkohshëm i linjave të udhëtimit ajror dhe tokësor nga vendet me risk të lartë dhe të mesëm (31.61%)”, thuhet në sondazh.
Numri i pjesëmarrësve: 1161 pjesëmarrës
Mostra sipas gjinisë:
– Femër (54.52%)
– Mashkull (45.48%)
Mostra sipas grupmoshës:
– 16 – 25 vjeç (53.23%)
– 26 – 35 vjeç (29.72%)
– 36 – 45 vjeç (9.91%)
– 46+ vjeç (7.15%)
Mostra sipas komunës:
– Prishtinë (19.98%)
– Prizren (7.75%)
– Ferizaj (6.63%)
– Mitrovicë (5.43%)
– Podujevë (5.34%)
– Gjilan (5.08%)
– Pejë (4.65%)
– Rahovec (4.39%)
– Gllogoc (4.31%)
– Lipjan (4.31%)
– Fushë Kosovë (4.05%)
– Vushtrri (3.96%)
– Gjakovë (3.79%)
– Malishevë (3.10%)
– Suharekë (2.67%)
– Skenderaj (2.15%)
– Viti (2.15%)
– Deçan (1.89%)
– Shtime (1.29%)
– Klinë (1.29%)
– Istog (1.21%)
– Kamenicë (1.21%)
– Obiliq (1.12%)
– Kaçanik (0.86%)
– Dragash (0.86%)
– Shtërpcë (0.09%)
– Zveçan (0.09%)
– Kllokot (0.09%)
– Novobërdë (0.09%)
– Junik (0.09%)
– Hani i Elezit (0.09%). /Telegrafi/
Lufta Prigozhin - Putin
Më shumëNga Rubrika
QKUK-ja siguron skanerin PET/CT, por jo edhe shërbime të menjëhershme
OSBE/ODIHR: Dje u respektuan procedurat zgjedhore, në disa raste nuk u respektuan kriteret e numërimit
135 euro ryshfet që t’ia lehtësojë procedurat për lirimin e mallit, kërkohet paraburgim për zyrtarin e ATK-së në Mitrovicë
Çka tha diplomati slloven Zhbogar në OKB që u irritua Vuçiqi?
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Kontrabandë me cigare në Viti, sekuestrohen 500 kg duhan me vlerë mbi 6 mijë euro
Kurti në Gjermani: Kosova e vendosur për anëtarësim në NATO dhe BE
Kuvendi miratoi Projektligjin për zyrtarët publikë
Rezultatet e para përfundimtare në Tetovë, këto janë rezultatet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën