“Sofra” e Vitit të Ri, sivjet më e varfër

Qytetarët: Çmimet janë të larta, por mishi nuk do të mungojë

“Gëzuar festat, për shumë vjet, çdo të mirë”

Festë në tregun e gjelbërt në Shkup. Shitësit po mundohen t’i joshin qytetarët për të blerë gjësendet e nevojshme për tryezën e Vitit të Ri.

“Nuk i kemi rritur çmimet, disa produkte janë ulur, vetëm kikiriku është shtrenjtuar”, thotë shitësi.

“Dobët është pasi që nuk ka para. Kriza e bëri të vetën”, thotë shitësja.

BB MediaBB Media
“Shihet se është një krizë, në treg mund të shihni vetëm pensionist ato që kanë para kanë shkuar diku jashtë vendit”, shprehet shitësja.

E qyetarët me qese të mbushura po i bëjnë përgatitjet e fundit. Po blejnë gjësende kryesore për të shturuar sofrën e Vitit të Ri.

“Kemi blerë mish. Tradicionalisht do të kemi mish të derrit, sarma dhe sallata. A është më shtrenjtë? Po është më shrenjtë. Po kemi blerë gjësendet kryesore”, thotë një qytetar.

“Çmimet janë shumë të larta. Kemi blerë veç sa për ta bërë adetin, nuk është atmosfera si ka qenë më herët. Çmimet janë rritur për 100%”, thotë qytetari tjetër.

“Çmimet janë të larta dyfish më shumë. Salçiçet vitin e kaluar ishin 200 tash janë 400 denarë. Por gjithsesi nuk do të mungon mishi në tryezë”, shprehet qytetari.

“Shumë mirë kemi blerë nga gjithçka nga pak. Ashtu si i kemi pensionet aq kemi blerë. Kemi blerë pak mish pule”, tha qytetari.

Inflacioni ka vërshtirsuar jetën e mijëra qytetarëve gjatë këtij viti. Andaj, edhe Nata e Vitit të ri do të jetë më e shtrenjtë në krahasim me vitet e kaluara./KlanMacedonia