Snapchat prezanton tiparin e ri – bisedat në grupe

Që prej lansimit para 5 viteve, Snapchat ka ndryshuar shumë. Aplikacioni ka filluar si një shërbim i thjeshtë për shkëmbimin e mesazheve me imazhe dhe më pas është bërë hit, pasi shumica e të rinjëve kanë filluar t’a përdorin.

Me kalimin e kohës, tipare të shumta janë shtuar në aplikacion si ngjarjet e drejtpërdrejta, mesazhet private dhe publike si dhe përmbajtja e sponsoruar.

Tani, aplikacioni është aq i famshëm sa disa e kanë cilësuar si MTV e kohës sonë. Megjithatë, Snapchat ka konkurrencë gjithnjë në rritje dhe nuk e ka të lehtë rrugën e mëtutjeshme.

Messenger nga Facebook, Instagram dhe WhatsApp përdoren nga shumë njerëz dhe për të mbajtur hapin me konkurrencën, Snapchat duhet të sjell risi konstante.

Inovacioni u ri nga kompania sjell bisedën në grupe si asnjëherë më parë në aplikacion. Përdoruesit e Snapchat tani mund të socializohen me 16 persona të ndryshëm në të njejtën kohë. Ti dhe 15 shokë tuaj mund të bashkoheni tani në një bisedë të vetme.

Grupi mund të krijohet duke filluar një bisedë të re ose duke bërë një ‘snap’. Nëse klikoni në emrin e njërit prej personave në grup mund të filloni bisedë private me të, ndërkohë që ndërrimi mes dy biseda bëhet vetëm më shtypjen e një pulle.