Skuadra e Real Madridi po humb besimin te trajneri i njohur – kjo pasi janë rritur lëndimet

Real Madridi nuk ka një fillim të keq të sezonit dhe mbetet vetëm tre pikë prapa nga liderët e La Ligës, Barcelona, dhe liderët e fazës së grupeve të Ligës së Kampionëve, Aston Villa dhe Liverpool.  

Megjithatë, nuk mund të mohohet se paraqitjet e tyre kanë qenë kryesisht jo edhe aq të mira, dhe sipas raportit të fundit për klubin nga Relevo, fjalët kanë filluar të qarkullojnë. 

Disa nga gishtat janë drejtuar nga trajneri i fitnesit, Antonio Pintus.  

Pjesë e stafit të klubit që kur Zinedine Zidane mori detyrën për herë të parë si trajner, dhe gjithashtu u rikthyer me Carlo Ancelottin, e ku Pintus është vlerësuar gjerësisht për punën e tij gjatë kohës që ishte në Real Madrid.  

I pranishëm në pesë triumfet e fundit të Los Blancos në Ligën e Kampionëve, ai ruan një reputacion ‘si perëndia’ me presidentin Florentino Perez.  

Megjithatë, pas dëmtimeve që mundojnë Los Blancos për të dytin sezon radhazi, disa nga lojtarët e Real Madridit kanë filluar pikëpyetjet rreth tij.  

Disa mendojnë se ai ka një rol të rëndësishëm, por jo përfundimtar. 

Një pjesë e dhomës së zhveshjes beson se ndërsa ai meriton respekt si trajner, por merita që ai merr në media, janë një narrativë e shtyrë nga brenda Real Madridit, pra është joproporcionale.  

Është vënë re se disa nga nënshkrime të reja vijnë në gjendje nga puna me me e tyre personalë pasditeve pas stërvitjes – e të njëjtit kanë shprehur disa dyshime për metodat që italiani ka përdorur me lojtarët e tij. 

“Ai është një trajner për atletët” është një nga thëniet e përdorura si kritikë, që do të thotë se ndërsa ai përgatit lojtarët që të jenë shumë në formë, planet e tij mund të mos jenë gjithmonë të përshtatshme për futbollin.  

Kjo dëshmohet pjesërisht nga brishtësia e shtuar e lojtarëve të Real Madridit kur bëhet fjalë për lëndimet. 

Pintus organizon planet e tij të fitnesit për të siguruar që lojtarët e Real Madridit të arrijnë kulmin fizik dy herë gjatë sezonit, një herë në nëntor dhe dhjetor, dhe përsëri në mars dhe prill.  

Kjo padyshim vjen me rreziqe dhe do të sugjeronte se më e mira nuk ka ardhur ende. Megjithatë sezoni i kaluar pa lëndime të mëdha si të Thibaut Courtois dhe Eder Militao dhe tani i Dani Carvajal. /Telegrafi/