Škoda Kamiq – Një SUV i ri në vend, i përshtatshëm për nevojat familjare

ŠKODA në porfolion e saj në Evropë po shton modelin e tretë SUV dhe ai është Škoda Kamiq.

Sikur të suksesshmit Škoda Kodiaq dhe Skoda Karoq, edhe emri Kamiq gjithashtu rrjedh nga gjuha e njerëzve Inuit që jetojnë në veri të Kanadasë dhe Grenlandës, e që e ka këtë kuptim: diçka që përshtatet në mënyrë të përsosur.

Duke e parë rritjen në segmentin SUV, Škoda Kamiq kombinon në mënyrë perfekte avantazhet e një automjeti të terreneve sportive dhe komoditetin e manovrimit si të veturave kompakte.

Kamiq do të jetë shoqërues ideal për jetën e përditshme në mjediset urbane dhe më gjerë.

Me një dizajn emotiv, sisteme të avancuara të asistencës, hapësirë e mjaftueshme dhe komode si dhe shumë karakteristika të tjera e bëjnë këtë veturë shumë të veçantë!

Kamiq i ri është shumë i përshtatshëm për nevoja familjare por gjithashtu është i përshtatshëm për klientë që përcjellin trendet jetësore.

Škoda Kamiq e ka vazhduar stilin e suksesshëm të dizajnit të SUV si në Kodiaq dhe Karoq mirëpo vjen me veçori të reja vizuele, të tilla si drita të ditës mbi fenerët kryesorë dhe shumë risi të tjera.

Škoda Kamiq do te prezentohet per here te pare ne Gjeneva Motor Show në mes të 5 dhe 17 marsit 2019.