Sindikata e pavarur e policisë kërkon përgjigje nga ministri për aksionin “Ujku”

Sindikata e pavarur e policisë ka kërkuar nga ministri i brendshëm të përgjigjet nëse në aksionin “Ujku” të realizuar në korrik në të cilin u privuan nga liria pesë nëpunës policor, merren masa në pajtim me Ligjin për procedurë penale dhe Kodin Penal, transmeton Telegrafi Maqedoni.

Në kumtesën e sindikatës theksohet se sipas informacioneve të marra nga nëpunësit policor të përfshirë në aksion, përndryshe anëtarë të Sindikatës, ata nuk janë nxjerrë para gjykatësit në procedurë paraprake dhe se seriozisht është prishur integrimi, nderi dhe dinjiteti i tyre.

Nga Sindikata pyesin nëse përderisa dëshmohet se kjo është e saktë, vallë ministri i Punëve të brendshme do të kërkojë përgjegjësi nga udhëheqësi i Sektorit për shuarjen e krimit të organizuar.

“Sindikata e pavarur e policisë fuqishëm qëndron pas shuarjes së çdo krimi të organizuar dhe e përshëndet çdo aktivitet të Sektorit për shuarjen e krimit të organizuar dhe krimit serioz pranë Ministrisë së Punëve të Brendshme vetëm përderisa vepron në pajtim me Kushtetutën, ligjeve dhe akteve nënligjore të Republikës së Maqedonisë”, theksohet në kumtesë./Telegrafi/