Sigurimi i shkakton lëndim yllit të Portugalisë duke ndjekur tifozin që hyri në fushë

Sulmuesi i Portugalisë, Goncalo Ramos, u godit nga një sigurim i cili pas fitores së tyre me rezultat 3-0 ndaj Turqisë bëri përpjekje për të larguar tifozët që kishin hyrë në fushë.

Ekipi i Roberto Martinez u kualifikua në mesin e 16 më të mirave falë golave të shënuar nga Bernardo Silva, Samet Akaydin (autogol) dhe Bruno Fernandes.

Ishte një ndeshje tepër e njëanshme në aspektin sportiv, por shqetësime të mëdha u ngritën me sigurimin në “Signal Iduna Park” të Dortmundit.

Në total, ndeshja ishte ndërprerë plotë katër herë si pasojë e hyrjes në fushë të tifozëve për të përshëndetur Cristiano Ronaldon, që do të thotë se gjyqtari Felix Zwayer duhej ta ndalte ndeshjen deri në largimin e tyre.

The security guard just slammed into Gonçalo Ramos after the game… 😭😭😭 pic.twitter.com/0StGZHxPWg

— TC (@totalcristiano) June 22, 2024

Nuk përfundoi më kaq, pas fishkëllimës së fundit të Zwayer një incident përfshiu Goncalo Ramos dhe sigurimin i cili po vraponte mes kaosit.

Siç mund të shihni nga pamjet e mëposhtme, sigurimi aksidentalisht u përplas me Ramos, i cili menjëherë u ankua në lëndim.

Për këtë arsye një hetim disiplinor për sigurimin brenda stadiumit pritet që të nis nga UEFA./Telegrafi/