Si të shpëtojmë nga barojat që rriten midis pllakave?

Edhe pse asnjë herbicid nuk mund të etiketohet ndonjëherë si “i padëmshëm” në kopsht, disa produkte të kuzhinës, janë një zgjidhje natyrale

Kur kemi mësuar për herë të parë për bimët në shkollë, ato dukeshin kaq të thjeshta: sigurohuni që të kenë sasinë e duhur të dheut, dritës së diellit dhe ujit dhe ato do të rriten.

Atëherë kemi mësuar se është pak më e ndërlikuar se kaq, dhe shumë faktorë të ndryshëm përcaktojnë nëse, ku, si dhe sa do të rritet një bimë.

Por, siç zbulojnë shumica e kopshtarëve të rinj në një moment ose në një tjetër, ka situata ku ju bëni gjithçka siç duhet dhe, pavarësisht kësaj, bima juaj nuk rritet.

Por më pas, nga ana tjetër, ka barërat e këqija që rriten disi nëpër të çarat më të vogla midis pllakave të jashtme, ose midis tullave, dhe pavarësisht gjithçkaje arrijnë të përparojnë dhe përhapen, transmeton Telegrafi.

Këtu janë disa mënyra për të hequr qafe barërat e këqija të padëshiruara:

Së pari, këputni gjithçka që mundeni

Pavarësisht se cilën metodë zgjidhni, mund të dëshironi të filloni duke këputni të paktën disa nga barërat e këqija ekzistuese – veçanërisht ato të degëzuara.

Uthulla

Nuk është për t’u habitur që uthulla është një vrasës natyral i barërave të këqija. Hidhni uthull alkooli mbi barërat e këqija disa ditë me radhë. Fillimisht do të tkurret, por më pas do të marrë ngjyrë kafe dhe do të thahet.

Kripa

Procedura është e njëjtë si me uthullën, vetëm se në vend të uthullës, barojën do ta mbuloni me një shtresë kripe. Lifehacker këshillon që tretësirën prej tre pjesë ujë në një pjesë kripë, ta spërkatni në barojat e këqija. Kripa duhet të jetë opsioni juaj i fundit sepse depërton thellë në tokë dhe asgjë nuk do të rritet në atë vend.

Lexo po ashtu Receta më e mirë për zhdukjen e barojave të këqija: Thjesht, përzieni tre përbërës nga kuzhina!

Bollguri

Nëse barërat e këqija nuk kanë mbirë ende, mund t’i mbani larg duke përhapur grimca misri përgjatë çarjeve ku rriten zakonisht.

Soda e bikarbonatit

Së pari, ujisni barojat me një zorrë kopshti. Më pas spërkateni një shtresë të trashë sode buke. Kjo gjithashtu vepron si një masë parandaluese përpara se barojat e këqija të fillojnë të depërtojnë midis pllakave ose çarjeve. /Telegrafi/