Si të bëni granola: Muesli krokant i bërë në shtëpi që është më i shëndetshëm se ai i blerë në dyqan

Ky muesli krokant, përbërës kryesorë të të cilit janë fjollat e tërshërës, është i pëlqyer nga shumë njerëz dhe duke qenë se ai i blerë në dyqan është plot me sheqer të shtuar, është më mirë ta bëni vetë

Përbërësit:

▪ 800 g tërshërë
▪ 200 g arra dhe fara
▪ 1 lugë kanellë
▪ 100 g fruta të thata (opsionale)
▪ 200 g miell kokosi
▪ një majë kripë
▪ 50 ml vaj ulliri
▪ 1,5 lugë çaji ekstrakt vanilje
▪ 50 g mjaltë

Përgatitja:

Përzieni tërshërën, miellin e kokosit, arrat e copëtuara dhe farat në një enë. Në një enë tjetër përzieni vajin e ullirit, mjaltin, vaniljen, kripën dhe kanellën dhe më pas tundni.

Masën me vaj dhe mjaltë e shtoni në tasin me tërshërë dhe më pas e përzieni mirë. Derdhni masën e bashkuar në një tepsi të mbështjellë me letër pjekjeje.

Rregullojeni mirë dhe piqeni në furrë të parangrohur në 150°C për afro gjysmë ore.

Hiqeni nga furra dhe lëreni të ftohet plotësisht, më pas e copëtoni me duar dhe shtoni fruta të thata të grira sipas dëshirës.

Përziejini mirë.

Ju bëftë mirë, – transmeton Telegrafi.