Si ta dallojmë lajmin e vërtetë nga ai i rremë?

Në ditët e sotme ku informacioni shpërfaqet me shpejtësi të mahnitshme, është e vështirë të dalloni mes lajmit të vërtetë dhe atij të rremë.

E për të dalluar më mirë lajmin e vërtetë me atë të rremë, së fundmi është realizuar një projekt përmes vizatimeve të librave komik që është përmirësimi i aftësive të menduarit kritik tek publiku si dhe rritja e ndërgjegjësimit për dezinformimin dhe propagandën.

Në këto vizatime thuhet se kur lajmi është i vërtetë atëherë vlerën e tij mund ta shënojmë me numrin 1. Nëse ai lajm është edhe argëtues, i shtojmë një zero dhe nëse është edhe edukativ i shtojmë edhe një zero tjetër.

Por nëse lajmi është i rremë, atëherë gjithçka që mbeten janë zerot.

Sa i përket lajmit të rremë janë dhënë edhe disa ilustrime tjera.

“Sapo kemi marrë informacionin se sonte pritet një shi meteorësh mbi qytetin tonë! Të shpëtoj kush mundet!”, është një lajm që ilustrohet në këto vizatime të librave komik.

Lajmet e rreme përhapen që të dezinformojnë dhe manipulojnë opinionin publik.

Vizatimet janë prodhim i projektit CLIMB (Cultivating Local Independent Media in Western Balkans) të Internews-it. /Telegrafi/