Si e kanë shëruar filozofët grekë ankthin në mënyrë të natyrshme: Stoikët na mësojnë se si t’i kapërcejmë shqetësimin dhe frikën
Ne jetojmë gjithnjë e më shpejt dhe më me stres. Nëse jetës së këtillë i shtojmë telefona, laptopë dhe një grumbull informacionesh që na vijnë nëpërmjet tyre, do ta kuptojmë se ankthi është një përgjigje normale e organizmit
Megjithatë ankthi nuk është një fenomen modern. Gjithmonë ka qenë reagimi i trupit ndaj ndjenjës së rrezikut dhe stresit në rritje. Zgjidhjen se si të merremi me këtë ndjenjë na e japin stoikët, transmeton Telegrafi.
Stoicizmi
Stoicizmi është drejtim i filozofisë antike. Themelues ishte Zenon, ndërsa përfaqësuesit e tjerë ishin Seneca, Epictetus, Marcus Aurelius. Ata promovuan një mënyrë jetese që nuk vërtetohet me fjalë, por me vepra. Ndryshoni gjërat që mund të kontrolloni.
“Bëni më të mirën e asaj që keni kontroll, dhe pranoni pjesën tjetër siç vjen” – Epictetus.
Nëse kjo tingëllon e njohur për ju, është për shkak se stoikët kanë frymëzuar terapi moderne bihejviorale që na mëson të mos shqetësohemi për atë që nuk është në fuqinë tonë.
Zakonet e mira, jeta e mirë
“Përparimi nuk bëhet me fatkeqësi ose rastësisht, por nga puna e përditshme mbi veten”. – Epictetus.
Shumica e njerëzve i bëjnë gjërat pa vetëdije gjatë ditës, por nëse doni të jeni të suksesshëm duhet t’u kushtoni vëmendje shprehive tuaja të përditshme, sepse gjithçka fillon prej tyre.
Përqendrohuni në momentin e tanishëm
Kur ka qenë hera e fundit që e keni shijuar momentin? Pa u shqetësuar për atë që ka kaluar ose çfarë pritet të vijë? Jini të pranishëm në momentin e tanishëm! Hiqni qafe mendimet e skenarëve katastrofikë.
“Një budalla është gjithmonë duke u përgatitur për jetën” – Epikuri.
Shumica e aksidenteve për të cilat mendoni nuk do të ndodhin kurrë. Ndaloni të imagjinoni një rezultat negativ.
Seneca na thotë se, ndërsa gjërat e këqija mund të ndodhin në të ardhmen, ato nuk po ndodhin tani. Ndani shqetësimet e arsyeshme nga skenarët imagjinarë, apokaliptikë në kokën tuaj.
Dashuri dhe dhembshuri
Ashtu si budistët, stoikët e shohin dhembshurinë si çelësin e një jete të lumtur. Është e natyrshme që ne të jetojmë në harmoni me të tjerët dhe të ndiejmë ekuilibrin.
5 hapa për të hequr qafe ankthin sipas stoikëve:
1. Pyete veten nëse mund ta kontrollosh situatën? Nëse keni mundësi, ndryshojeni. Nëse jo, pranojeni pa stres.
2. Praktikoni zakone që ju bëjnë mirë.
3. Përqendrohuni në momentin e tanishëm.
4. Në vend që të imagjinoni një rezultat katastrofik, mendoni për gjërat e mira që vijnë në jetën tuaj.
5. Jini të mëshirshëm dhe ndihmoni të tjerët.
/Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën