Si 3-vjeçar ishte rrëmbyer dhe shitur nga trafikantët, kinezi ribashkohet me të ëmën pas 31 viteve

Ky është momenti emocionues kur një nënë ribashkohet me të birin, i cili ishte rrëmbyer dhe shitur si skllav nga një bandë që merreshin me trafikim të njerëzve. Gjithçka ndodhi 31 vite më parë.

Bëhet fjalë për Tao Xiaobing që kurrë nuk kishte humbur shpresat që do ta gjejë të ëmën, dhe më në fund kishte arritur ta gjurmojë në qytetin Bijie në provincën kineze Guizhou me të cilën u ribashkua gjatë të shtunës, transmeton Telegrafi.

Tao ishte 3-vjeçar kur ai dhe e ëma e tij Zhou Jiaying u rrëmbyen dhe u shitën te një familje në provincën Shandong, Por disa muaj më vonë, e ëma e tij kishte arritur të arratiset dhe rrëmbyesit e saj ishin habitur me këtë veprim – pasi që nuk kishin besuar se ajo mund të ikë.

Por ajo çfarë e bën pikëlluese është që nuk kishte arritur ta merr me vete të birin. Megjithatë ajo alarmoi autoritetet kur u kthye në shtëpi.

E pavarësisht që policia kishte rrethuar atë zonë, nuk arritën ta gjejnë djaloshin. Familja që e kishte marrë nuk kishte shprehur ndonjë interesim që ta ndihmojnë të ribashkohet me të ëmën.

Megjithatë, kur u rrit Tao filloi vetë ta kërkoj të ëmën dhe nuk iu desh shumë kohë që ta lokalizojë. Ribashkimi i tyre emocionoi të pranishmit. /Telegrafi/