Shumë zhgënjim me yjet e ekipit – Milani do t’i shes në verë tre lojtarët kryesorë

La Gazzetta dello Sport raporton se Mike Maignan, Theo Hernandez dhe Rafael Leao ka të ngjarë të largohen nga Milani në verë pas paraqitjeve zhgënjyese këtë sezon. 

Milani pritet të ndryshojë sërish ekipin në sezonin 2025-2026, veçanërisht nëse nuk arrin të kualifikohet në Ligën e Kampionëve. 

Sipas La Gazzetta dello Sport, tre nga yjet e tyre, Leao, Maignan dhe Theo, mundtë largohen nga “San Siro” gjatë verës. 

Maignan ka rënë dakord të zgjasë kontratën e tij deri në vitin 2029, por sipas raportimeve, kjo nuk do të garantojë qëndrimin e tij.  

Portieri francez bëri gabime vendimtare në ndeshjet kundër Feyenoordit dhe Torinos dhe sipas Gazzetta dello Sport, shitja e tij është në plan, pavarësisht se një marrëveshje e re është vulosur. 

Sa i përket Theos, Gazzetta konfirmon se atij nuk do t’i jepet një kontratë e re, me Milanin që dëshiron të dëgjojë ofertat në verë ose ta lërë të largohet falas në 2026. 

Leao ka një klauzolë prej 175 milionë euro në kontratën e tij, por ulje-ngritjet e tij këtë sezon nënkuptojnë se asnjë klub aktualisht nuk është i gatshëm të përballojë tarifën. 

Jo shumë do të vënë bast për qëndrimin e tij në Milan, ndoshta as ai, përfundoi Gazzetta. /Telegrafi/